26 Wazè en batu he egkekuwa he ebpuun diyà te kenikew he egkeǥamit te kebpehitindeg te bilding. Egkehimu ka he mekevulungbulung taman te taman. Iyan a, is Nengazen, is migkaǥi kayi.”
Edhimuwen ku heini he sibsivayan he mahabet is menge linew zuen. Edezeetan ku heini, ne is kedezeeti ku kayi, iring te ebpeyupasen ku is menge meǥinged kayi. Iyan a, is Nengazen he Mekeǥeǥehem, migkaǥi kayi.”
“Iyan, emun egketapus en is 70 he tuig, edsilutan ku is hadì te Babilonia wey is menge etew zin tenged te salè dan. Edhimuwen ku zaan is nasyun dan he mekevulungbulung taman te taman.
Iring te etew he egkerkeren wey ebpekeerumpasey te kegkesekiti is Babilonia, su ebeelan te Nengazen is pelanu zin he ebpekesuǥat te Babilonia, ne egkehimu heini he mekevulungbulung he lugar su zutun wazè en ed-ubpà.
