Jeremias 51:12 - Manobo Western Bukidnon OT

¹² Ivayew niw is bendirà niw he tuus te kedsurung niw ziyà te Babilonia. Umani niw pa is menge vantey ne ipepelastar sikandan peliǥuy te inged! Ne ibpepurung ibpepengandam para te tebek su timpu en heini he ebeelan te Nengazen is pelanu zin te kedezaat te menge etew ziyà te Babilonia.”

Jeremias 51:12 교차 참조

Erubasa 21:30

Wazà edlampus he ketau, kedsavut, etawa sambag he igkuntra te Nengazen.

Isaias 11:12

Ibayew te Nengazen is sevaha he bendirà su ibpeehè din te menge nasyun he edtiǥumen din en is menge etew zin diyà te Israel wey Juda he ebpuun te nekedseselekawà he vahin te kelibutan.

Isaias 13:2

Ivayew is sevaha he bendirà diyà te puntur te mehiǥawan he vuntud. Ne zutun kulehia niw te mezaǥing is menge sundaru ne uyawi niw sikandan wey zan mekesurung duen te menge pultahan te inged te menge dungganen he menge etew.

Jeremias 23:20

Kenà iyan egkaawà is pauk ku taman te egkeveelan ku is egkesuatan ku te ebaal. Ne ziyà te huziyan he timpu egkepurung niw zed egkesavut heini.

Jeremias 4:28

Egkeseeng is kelibutan ne ebmerusirem is langit, su nekaǥi ku en is silut, ne kenè ku en ebelvelewanan is nekaǥi ku. Nekedisisyun ad ne kenè en egkahalin is isip ku.”

Jeremias 50:2

“Ipetueni nu ziyà te menge nasyun is tudtul! Ne ivayew is bendirà ne ipetueni te langun: ‘Egkezeetan is Babilonia! Egkerupet wey egkepeel-elezan is menge ed-ezapen kayi he si Bel wey si Marduk.’

Jeremias 50:25

Mibpuwasan ku is teleǥuey te menge gumaan ku ne impeǥawas ku is menge ǥumaan he egemiten ku zutun te kebpeǥazami ku te pauk ku. Siak, is Nengazen he MEGBEVAYÀ he Mekeǥeǥehem, duen ebeelan ku ziyà te kenikew, he Babilonia.

Jeremias 51:11

Ebelesan te Nengazen is menge tig-Babilonia su midrundus dan is baley zin. Ibpezezeetan te Nengazen is hadì te Babilonia te hadì diyà te Media su iyan heini tuyù din. Migkeǥiyan te menge edumala sikandan te, “Kemengaa niw is menge panè niw wey iandam niw is menge kelasag niw.

Jeremias 51:27

Ivayew niw is bendirà he tuus te kebpekidtebek! Ipezaǥing is menge vudyung diyà te menge nasyun! Ipepengandam niw sikandan para te kedsurung diyà te Babilonia. Suǥùa niw te kedsurung is menge sundaru ziyà te Ararat, Mini, wey Ashkenaz. Pilì kew te pengulu wey peuwit kew te menge kudà he iring kezakel te terapan.

Jeremias 51:29

Iring te etew he egkerkeren wey ebpekeerumpasey te kegkesekiti is Babilonia, su ebeelan te Nengazen is pelanu zin he ebpekesuǥat te Babilonia, ne egkehimu heini he mekevulungbulung he lugar su zutun wazè en ed-ubpà.

Penhulùhulù 2:17

Mibeelan te Nengazen is mibpelenuwan din te ebaal. Midtuman din is nekaǥi zin dengan. Wazà sikandin mehizu is edezaat keniyu. Midlipey zin is menge kuntada niw tenged te kegkezeeti niw, ne intuǥut din he ikepahambug dan is kebpekegaga zan.

Joel 3:2

edtiǥumen ku is menge etew ziyà te menge nasyun ne ibpetupang ku sikandan diyà te Suǥud ni Jehoshafat. Dutun edhukuman ku sikandan tenged te mibeelan dan diyà te menge Israilihanen, kes menge etew he ǥaked ku. Impeyapat dan diyà te zuma he menge nasyun is menge etew ku, ne mibahin dan is tanè ku.

Nahum 2:1

Sikiyu is menge tig-Nineve, midsurung kew en te menge kuntada niw he ebpeyapat keniyu. Umbe ventayi niw is menge verengbeng te menge inged niw wey ventayi niw is menge zalan. Tiǥuma niw is menge sundaru niw ne purung kew pengandam te kebpekidtebek.

Josue 8:14

Ne hein naahà sikandan duen te hadì diyà te Ai, ne migaanggaan sikandin megawas dutun te inged duma te menge etew zin te utew pa meselem, ne midhendiyè dan te lugar he egkesineruwan te Suǥud te Jordan su ebpekidtebek dan te menge Israilihanen. Wazè dan metueni he zuen bes edsurung kandan he ebpuun diyà te egkeiniyuǥan dutun te inged.