Jeremias 50:32 - Manobo Western Bukidnon OT

³² Sikew is gelbuwen he nasyun utew ka egkezeeti, ne wazà ebpekeuǥup te ked-enew kenikew. Ebinsulan ku is dezekelà he menge inged nu wey is malù dezekelà diyà te peliǥuy kayi.’ ”

Jeremias 50:32 교차 참조

Salmo 119:78

Berakat he mepeel-elezi is menge gelbuwen tenged te kebutbutangi zan kediey. Iyan, siak mulà, egngunngunuen ku is menge sulunuzen he ibpesunud nu.

Erubasa 16:18

Is kebpelavew wey kegkemesinupaken, edrimeǥas te kezeetan.

Erubasa 18:12

Is kebpelavew te etew ebpekezezaat kandin, iyan, edeliǥen mulà is etew he kenà mepelevawen.

Jeremias 21:14

Piru edsilutan ku sikiyu ǥihapun te sungkad te menge vaal niw. Ebinsulan ku is turuǥan te hadì niw ne egkevinsulan is langun diyà te peliǥuy kayi. Iyan a, is Nengazen, is migkaǥi kayi.”

Jeremias 51:26

Wazè en batu he egkekuwa he ebpuun diyà te kenikew he egkeǥamit te kebpehitindeg te bilding. Egkehimu ka he mekevulungbulung taman te taman. Iyan a, is Nengazen, is migkaǥi kayi.”

Jeremias 51:64

Ne kaǥi ka te, ‘Iring keniyan is egkeulaula te Babilonia–idlegdang heini ne kenè en ebpekelepew tenged te kedezeeti kayi te Nengazen. Egkeǥerà is menge etew kayi.’ ” Kayi mepasad is menge lalag ni Jeremias.

Daniel 5:20

Piru geina te mebpagalbu wey mibpelavew sikandin, impaawà sikandin te kegkahadì

Amos 1:10

Umbe, ebinsulan ku is menge verengbeng te Tyre wey is melig-en he menge vahin kayi he inged.”

Amos 1:12

Umbe, ebinsulan ku is Teman wey is melig-en he menge vahin te Bozra.”

Amos 1:14

Umbe, ebinsulan ku is menge verengbeng diyà te Raba wey is melig-en he menge vahin kayi he inged; dutun ebpengulahì te kulehian te kebpekidtebek is menge kuntada zan he edsurung kandan, he edselenuhug heini iring te vagyu.

Amos 1:4

Umbe, ebinsulan ku is turuǥan ni hadì Hazael wey is melig-en he menge vahin te Damascus he mibpeveelan te anak din he si Ben Hadad.

Amos 1:7

Umbe, ebinsulan ku is menge verengbeng diyà te Gaza wey is melig-en he menge vahin kayi he inged.

Amos 2:2

Umbe, ebinsulan ku is Moab ragkes is melig-en he menge vahin te Keriot. Ebpematey is menge tig-Moab dutun te ebpengulahì wey ebpezaǥing te vudyung is menge kuntada zan he edsurung kandan.

Amos 2:5

Umbe, ebinsulan ku is Juda ragkes is melig-en he menge vahin te Jerusalem.”

Amos 5:2

Is Israel he iring te vahi he wazè pa mekeremaǥi, nezeetan ne kenè en heini ebpekeuman ebpekeenew. Mibey-anan sikandin diyà te tanè din ne wazè en ebpeenew kandin.

Deuteronomio 32:22

Su edriyubriyub is kepauk ku iring te hapuy. Ebpekevinsul heini te tanà wey te langun he abut kayi, wey te zizalem te tanà wey pundasyun te menge vuntud.