Jeremias 50:27 - Manobo Western Bukidnon OT

²⁷ Penhimetayi niw is langun he menge sundaru zan. Lepaa niw he iring te menge turiti he vaka. Mekehizuhizu sikandan su neume en is timpu te kedsiluti kandan.

Jeremias 50:27 교차 참조

Job 18:20

Is menge etew ziyà te minsan hendei he lugar, egkengeinuinu wey egkengehandek tenged te nehitavù kandin.

Salmo 22:12

Edliǥuyan a te menge kuntada ku, iring sikandan te memezesen he tudu he vaka ziyà te tanà he Bashan.

Salmo 37:13

Iyan, ed-engitan dà sikandan te Nengazen, su netuenan din he hapit en egkeuma is timpu te kedezeeti kandan.

Isaias 21:12

Ne ke siak te, “Kenè en egkeuǥet ne egkepawè en, piru egkeuman ded egkezukilem. Ne emun egkesuat ka he ed-uman ed-insà, ne umani a kenikew insai.”

Isaias 34:6

Is ispada te Nengazen egkelupit te lengesa wey tavà, egkeiring te egemiten te kedlapà te menge ibpemuhat he kambing wey kerehidu. Su ebpenhimetayan te Nengazen is menge etew ziyà te Bozra ne pemuhat haazà diyà te kandin. Mahabet is ebpenhimetayan din diyà te zuma pa he menge inged diyà te Edom.

Isaias 34:7

Ebpenhimetayan din daan is mekeǥeǥehem he menge etew he henduen be te menge tudu te vaka. Ebpeketambù diyà te tanè dan is lengesa wey tavà.

Jeremias 12:3

Piru siak nekilala a kenikew, Nengazen. Neehè nu is mibpemeelan ku ne netuenan nu ke hengkey is kegkilelaa ku kenikew. Guyuza nu heini he menge etew he iring te eguyud ka te kerehidu he edlepaan. Itapid nu sikandan he para te edlepaan.

Jeremias 25:34

Sikiyu is menge pengulu, purung kew sineǥew he edtelulid diyà te eliyavuk tuus te utew niw kegkeseeng. Su neume en is timpu he edhimetayan kew he iring te edlepaan he kerehidu. Egkeruntek kew iring te mahalen he ziniyun he nerupet.

Jeremias 27:7

Ebpenilbi kandin is menge etew ziyà te langun he menge nasyun. Ebpenilbi zan daan te menge anak din wey menge apù din taman te timpu he iyan en maan edezeetan is Babilonia. Dutun he timpu, iyan en maan ebpekepenilbi is menge tig-Babilonia te mahabet he menge nasyun wey te mekeǥeǥehem he menge hadì.

Jeremias 46:21

Minsan is menge sundaru he sinuhulan din he henduen be te nati he menge vaka he nepurung meelimahi, kenà ebpekesukul te tebek; ebpemen-endud ne ebpemelaǥuy sikandan. Egkehitavù heini su timpu en te kedsiluti wey kedezeeti te menge tig-Ehipto.

Jeremias 48:10

Edrewakan is etew he kenà edseǥipà te vuluhaten te Nengazen he kedezaat te Moab. Edrewakan is etew he kenà egamit te ispada te kedhimatey te menge tig-Moab.

Jeremias 48:15

Piru egkezeetan utew is menge tig-Moab wey is menge inged kayi. Ebpenhimetayan is kinemevurutan he menge vetan-en dan. Iyan a, is Nengazen he Mekeǥeǥehem he Hadì, is migkaǥi kayi.

Jeremias 48:44

Is minsan hentei kandan he ebpelaǥuy su egkahandek ne egkeulug diyà te vudsi. Ne is ebpekeǥawas puun te vudsi, ne egkelitag. Su edsilut a ziyà te Moab emun egkeume en is midtelaan ku he timpu. Iyan a, is Nengazen, is migkaǥi kayi.

Jeremias 50:11

“Sikiyu is menge etew ziyà te Babilonia mid-eǥawan niw te menge azen is menge etew he ǥaked ku. Midlipey kew wey miguǥusà he iring te mid-elimahan he dumeraǥa he vaka ziyà te penebtavà wey kudà he edherìhì.

Jeremias 50:31

“Siak, is Nengazen he MEGBEVAYÀ he Mekeǥeǥehem, migkaǥi a te, ‘Kuntada ku sikew he Babilonia he mepelevawen! Neume en is timpu te kedsiluti ku kenikew.

Jeremias 51:40

Ed-uwiten ku sikandan he iring te menge kerehidu wey menge kambing diyà te lepeey.

Penhulùhulù 1:21

Nezineg te menge etew is kedag-es ku, piru wazà minsan sevaha he midlangan kedì. Nezineg te langun he menge kuntada ku heini is kegkerasey ku, ne ingkelipey zan heini is kedresaya nu kedì. Deyzey pezem ke egkeume en is andew he insaad nu he edsilutan nu sikandan, su wey zan daan meiring kedì.