Jeremias 5:5 - Manobo Western Bukidnon OT

⁵ Umbe, midhendiyà a te menge pengulu zan su wey ku sikandan melelaǥi. Siguradu he netuenan dan is menge paaǥi te Nengazen he Megbevayè dan he ibpetuman kandan.” Piru minsan sikandan, inselikwey zan daan is menge ibpetuman te Megbevayà.

Jeremias 5:5 교차 참조

2 Cronica 36:14

Ne gawas kandin, minsan is lavew he menge memumuhat wey is menge pengulu te menge etew midluib en te Megbevayà. Mid-iringan dan is utew mezaat he vaal te menge etew ziyà te zuma he menge nasyun ne midremerikan dan is baley te Nengazen, he mid-isip din he segradu he lugar ziyà te Jerusalem.

Exodus 32:25

Naahà ni Moises he wazè en dewaya ni Aaron is menge etew he subre en is kedlipeylipey zan. Ne tenged dutun ed-eengitan sikandan te menge kuntada zan diyà te peliǥuy.

Isaias 1:23

Is menge pengulu nu ne mibpekidsukulà wey miduma te menge tekawen. Egkesuat dan he layun edsipsip, wey ebuyù sikandan te menge gasa. Wazè dan levani is ketenged dutun te menge ilu wey wazè dan pemineǥa is riklamu te valu he menge vahi.

Jeremias 2:20

“Hein menge uripen kew pa, iring kew te vaka he mid-eyuǥuwan wey pinirisu he migkedinahan, piru hein midlibri ku en sikiyu, kenè kew ebpenilbi kedì. Mid-azap kew hinuun te zuma he menge ed-ezapen diyà te kada metikang he vuvungan wey ziyà te sihung te kada merapung he kayu. Iring kew te vahi he ebelegyà te zengeg din.

Jeremias 2:31

“Sikiyu is menge etew kayi he lapis te kevuwazan, pemineǥa niw is egkeǥiyen ku. Neiring e ve te disirtu ziyà te Israel etawa neiring a te utew merusirem he lugar? Maan is migkaǥi kew te, ‘Ebeelan dey en is minsan hengkey he egkesuatan dey te ebaal. Ne kenè key en ed-uvey ziyà te Megbevayà.’

Jeremias 30:14

Midlipatan kew en te kezapig niw he menge nasyun; wazè kew zan en seǥipaa. Midsurung ku sikiyu iring te kedsurung te kuntada niw. Mibpurungan ku sikiyu siluti su utew en meveǥat is menge salè niw wey utew en heini mahabet.

Jeremias 6:13

“Puun te kinemevevaan pehendiyà te kinetikangan is ked-etew zin, ne ebpenlimbung su para mekeselapì. Minsan is menge ebpeneuven wey is menge memumuhat ne ebpengilad daan.

Jeremias 8:7

Is tagbis he tulabung, is merepatik, is selimbatang wey is dugwak, netuenan dan ke keenu zan edlayang pehendiyà te zuma he lugar wey keenu zan edlikù, piru sikiyu is menge etew ku wazè niw mulà metueni is menge velaud ku.

Jeremias 9:3

Migkaǥi is Nengazen te, “Menge tarù is egawas diyà te vèbà te menge etew ku he iring te panà he andam en he ibpanà. Tarù is egkeseksiyan kayi he tanà ne kenà tutuu. Midsubre en is kebaal zan te salà, ne wazè e zan kilelaa.

Ezekiel 11:2

Migkaǥi is Nengazen kayi te kedì te, “Sikew is etew, iyan heini sikandan mibpelanu te mezaat wey mibeǥey kayi te inged te kenà meupiya he sambag.

Amos 4:1

Sikiyu is dungganen he menge vahi ziyà te Samaria, iring kew te menge vaka ziyà te Bashan he mibpurungan elimahi. Edèdaaǥen niw wey mibpesipelahan is menge pubri, ne edsuǥuen niw pa is menge esawa niw he uwiti kew zan te inumen. Umbe pemineǥa niw heini is

Amos 6:1

Kehizu niw te menge pengulu ziyà te Zion wey Samaria, he ebpeeyehey zà he wazà igkeipeng. Mid-isip niw is keugelingen niw he dungganen he menge etew ziyà te lavew he nasyun, ne iyan kew edengepan te menge meǥinged diyà te keniyu.

Micas 3:11

Emun edhukum kew ebpeburan niw is ebeǥey te sipsip diyà te keniyu. Ne sikiyu is menge memumuhat, ebpenurù kew su ǥeina te ebeyazan kew. Ne sikiyu zaan is menge ebpeneuven, ebpenagnè kew tenged dà te selapì. Edsarig kew pa he edtevangan kew te Nengazen, su egkaǥi kew te, ‘Zuma zey is Nengazen. Umbe wazà mezaat he egkehitavù kenami.’

Malakias 2:7

“Kinahanglan he is memumuhat he ebpenurù te hustu he ketau, ne iyan sikandin egkeinsaan te menge etew ke hengkey is hustu he ed-ul-ulahan.