Jeremias 5:16 - Manobo Western Bukidnon OT

¹⁶ Ebpekepatey is menge gumaan dan, ne memevurut sikandan he menge sundaru.

Jeremias 5:16 교차 참조

Salmo 5:9

Kenà egkeseriǥan is lalag te menge kuntada ku, su iyan dà tuyù dan is kedezaat te zuma he etew. Is menge lalag dan igkepetug-iring te neebriyan he leveng he edsengew is kemahù din. Is menge egkeǥiyen dan ne pudu limbung.

Isaias 13:18

Ebpenhimetayan dan pinaaǥi te panà is menge vetan-en diyà te Babilonia. Kenè dan egkehizuwan is menge vatà wey minsan is peririǥè pa.

Isaias 5:28

Merewidit is basut te menge panè dan ne naandam en is menge panè dan. Is sulu te menge kudè dan iring te utew mezesen he vatu, henduen be te eribpures is kegketileng te ligid te menge kerwahi zan.

Jeremias 6:22

Mid-uman pa megkaǥi is Nengazen te: “Tengteng kew! Duen menge sundaru he ebpekeuma he ebpemuun diyà te tanà he zizaya. Ebpuun sikandan diyà te sevaha he nasyun he mekeǥeǥehem he ziyà te meziyù he lugar he andam en te kedsurung.

Jeremias 6:23

Neǥumeenan sikandan te menge panà wey menge vangkew. Mesipala sikandan wey wazè dan hizu. Is keǥurub dan henduen be te keǥurub te zezekelà he menge vaǥel dutun te ked-untud dan te menge kudè dan. Ebpekeuma zan su edsurungen kew zan, is menge tig-Jerusalem.”

Penhulùhulù 3:13

Midpanè e zin ne midlembasan is pusung ku.