Jeremias 49:31 - Manobo Western Bukidnon OT

³¹ Iyan a, is Nengazen, midsuǥù kandan he surunga zan is menge etew he ebpeeyehey zà he wazà igkeipeng. Is pultahan te inged dan wazè din lekeb etawa terangka, ne nengungubpaan dan he iyan dan dà.

Jeremias 49:31 교차 참조

Salmo 123:4

Utew key en edsusudia te menge etew he ebpeeyehey zà he menge hembugiru.

Salmo 73:12

Iring keniyan is menge lalung he etew, wazè dan igkeliveǥ ne mid-iseg pa is kegkesepian dan.

Isaias 32:11

Kinahanglan he utew kew mahandek, is menge vahi he ebpeeyehey zà wey wazà igkeipeng. Luwasa niw is menge visti niw ne tetapis kew te saku.

Isaias 32:9

Sikiyu is menge vahi he ebpeeyehey zà wey wazà igkeipeng, pemineǥa niw is egkeǥiyen ku ziyà te keniyu!

Isaias 42:11

Deliǥa niw sikandin, sikiyu is diyà te menge inged he ziyà te sibsivayan wey sikiyu is menge meǥinged diyà te Kedar. Kanta kew tenged te kegkelipey, is menge etew ziyà te Sela. Ugyab kew ziyà te puntur te menge vuntud.

Isaias 47:8

Umbe ǥuntaan pemineǥa nu heini, sikew is dekelà is gehinawa zin te kedlipeylipey wey egkeisip nu he wazè en ebpekezezaat kenikew. Migkaǥi ka ziyà te gehinawa nu he iyan ke en Megbevayà, ne wazè en duma gawas kenikew. Mid-isip nu he kenè ke en egkevalu etawa egkeewaan te anak.

Jeremias 48:11

Dezeyaan is ked-ubpà diyà te Moab puun pa te nehuna he timpu. Wazè keenu mevihag is menge etew kayi. Neiring heini te vinu he wazà welenga etawa wazà ihalin diyà te selakew en he teleǥuey. Umbe wazà mahalin is taam din wey ngazeg din.

Ezekiel 30:9

“Dutun he timpu, edsuǥù a te menge menunudtulà he ed-untud te menge untuzà he tenged kandan utew egkahandek is menge tig-Etiopia he ebpeeyehey zà. Egkeheratan sikandan dutun te timpu te kedèdeeti te Ehipto su siguradu egkeuma heeyan he timpu.”

Ezekiel 38:11

Egkaǥi ka te: Edsurung a ziyà te Israel he is menge inged duen wazà berengbenga, wazè dan pultahan, wey wazè dan trangka, he is menge meǥinged duen ed-ubpà he melinawen wey wazà igkahandek he kezeetan.

Ezekiel 39:6

Ebinsulan ku is Magog wey is duma zin he menge nasyun he uvey te zaǥat he is menge meǥinged duen nengungubpaan he melinawen. Ne egketuenan dan he iyan a Nengazen.

Micas 7:14

Mid-ampù is menge Israilihanen diyà te Nengazen he ke sikandan te, “Ventayi key is menge etew nu he migaked nu, te iring te kebantey te perevantey te menge kerehidu. Is menge tanà diyà te peliǥuy zey ne zekelà is egketabtab duen, piru sikami nengungubpaan key kayi te sibsivayan he iyan key zà. Ipeuman nu ipemeluag is tanè dey taman te Bashan wey Gilead iring te nehuna he timpu.

Nahum 1:12

Iyan heini migkaǥi te Nengazen diyà te menge tig-Juda: “Minsan mahabet wey mezesen is kuntada niw he menge tig-Asiria, edezeetan ku sikandan taman te egkahanew sikandan. Minsan te midrasey ku sikiyu ne kenè ku en heini ed-umanan ebeeli.

Zefanias 2:15

Iyan heeyan egkehitavù diyà te inged he Nineve he mibpahambug is menge meǥinged duen he wazà ebpekekaid kandan, ne ke sikandan diyà te gehinawa zan te, ‘Wazè en duma he ebpekerepeng te kegkemekeǥeǥehem tew!’ Piru egkepurung heini egkezeeti he inged ne egkehimu zà heini he ubpeey te leew he menge langgam. Ne edsudien heini he inged te langun he sumeseǥazà kayi.”

Numero 23:9

Nepantew ku sikandan hein diyà a te puntur te menge vuvungan. Nengugelingen sikandan mebpengungubpaan he nekesivey te zuma he menge nasyun.

Deuteronomio 33:28

Umbe, ebpekepengungubpaan is menge Israilihanen he meziyù te kezeetan, dutun te tanà he uuzaran te trigu wey vinu, wey zehemug he ebpuun diyà te langit he ebeǥey te wahig diyà te tanà.