Jeremias 49:13 - Manobo Western Bukidnon OT

¹³ Nenangdù a ziyà te ǥehinawa ku he edezeetan ku is inged he Bozra. Egkehimu heini he mekeharatharat he ed-ahaan, edsudien heini, ne egemiten is ngazan din te kebpenrawak. Is langun he menge inged kayi kenè en egkepurungan te taman te taman.”

Jeremias 49:13 교차 참조

Genesis 22:16

ke sikandin te, “Iyan heini migkaǥi te Nengazen: Ibpenangdù ku kayi te gehinawa ku he edtuvazan ku iyan sikew tenged te wazè nu ikeleǥezi kedì is namànamà he anak nu. Edhimuwen ku he utew medmezakel is menge kevuwazan nu su iring te menge vituen diyà te langit wey iring te menge pantad diyà te veyvey te zaǥat. Egkeveyveyaan dan is menge inged te menge kuntada zan.

Genesis 36:33

Hein minatey sikandin, iyan mid-ilis kandin si Jobab he anak ni Zera te tig-Bozra.

1 Cronica 1:44

Hein minatey sikandin, iyan mid-ilis kandin si Jobab he anak ni Zera te tig-Bozra.

Isaias 34:6

Is ispada te Nengazen egkelupit te lengesa wey tavà, egkeiring te egemiten te kedlapà te menge ibpemuhat he kambing wey kerehidu. Su ebpenhimetayan te Nengazen is menge etew ziyà te Bozra ne pemuhat haazà diyà te kandin. Mahabet is ebpenhimetayan din diyà te zuma pa he menge inged diyà te Edom.

Isaias 45:23

Nenangdù a pinaaǥi te keugelingen ku, ne egkeseriǥan is mibpengaǥi ku ne kenè en heini egkahalin: Edluhuzan a te langun he etew, ne ebpenangdù dan he ebpekid-uunungen sikandan kediey.

Isaias 63:1

Hentei heini is ebpekeuma he ebpuun te Bozra he inged diyà te Edom, he nezekiyan te meriǥà is mekempet he visti zin? Ebpekeuma sikandin he utew zekelà is gehem din. Iyan sikandin kes Nengazen he ebpenudtul he egkaangken en te menge etew zin is kezeeǥan duma is ketazeng.

Jeremias 18:16

Egkehimu he mekevulungbulung is tanè dan ne edsudien heini taman te taman. Is langun he edsaǥad kayi ebpekepengelengkeleng tenged te kegkeinuinu wey kegkehandek dan.

Jeremias 19:8

Ibpezezeetan ku heini he inged ne egkehimu heini he edsudien. Egkeinuinu is langun he edsaǥad ne ebpekepenerektek sikandan tenged te kegkezeeti kayi.

Jeremias 44:26

Piru pemineǥa niw is menge lalag ku, ziyà te keniyu te menge etew ziyà te Juda he kayi med-ubpà te Ehipto. Impenangdù ku ziyà te ǥehinawa ku he wazè en keniyu ebpekeǥamit te mekeǥeǥehem he ngazan ku. Kenè ku en idtuǥut ke egemiten niw is ngazan ku te kebpenangdù niw te iring kayi: “Ebpenangdù a pinaaǥi te ngazan te uuyag he Nengazen he MEGBEVAYÀ.”

Jeremias 48:24

Keriot, wey Bozra. Egkeumahan en te silut is langun he ziyà te menge inged diyà te Moab, uvey man etawa meziyù.

Jeremias 49:22

Tengteng kew! Is kuntada henduen be te kulaǥu he edlayang su edawi te Bozra. Dutun he timpu egketeranta is menge sundaru te Edom he henduen be te vahi he ebeliliten.”

Jeremias 51:14

Nenangdù is Nengazen he Mekeǥeǥehem diyà te gehinawa zin, he ke sikandin te, “Ed-eneven ku te menge sundaru te menge kuntada nu he iring kezakel te terapan is tanè nu, ne egkulehien kew zan.”

Joel 3:19

“Is Ehipto egkehimu he mekevulungbulung, ne is Edom egkehimu he disirtu su midsurung dan is menge etew ziyà te Juda; mibpenhimetayan dan is kenà ereg he edhimetayan.

Amos 1:12

Umbe, ebinsulan ku is Teman wey is melig-en he menge vahin te Bozra.”

Amos 6:8

Nenangdù is Nengazen he MEGBEVAYÀ, kes Megbevayà he Mekeǥeǥehem. Ke sikandin te, “Igkeepes ku is kebpelavew te menge kevuwazan ni Jacob, wey midrewakan ku is melig-en he menge vahin te inged dan. Umbe ibeǥey ku ziyà te menge kuntada is inged dan wey is langun he taǥù kayi.”

Obadias 1:18

Is menge kevuwazan ni Jacob wey ni Jose egkeiring te hapuy he edezaat te kevuwazan ni Esau, ne egkeiring sikandan te egkevinsulan he reǥami. Ne wazè egkesamà te menge kevuwazan ni Esau. Siguradu he egkehitavù heini su iyan a, is Nengazen, is migkaǥi kayi.