Jeremias 48:38 - Manobo Western Bukidnon OT

³⁸ Nemen-erang is menge etew ziyà te atep te menge valey zan wey ziyà te menge pelasa, su midezeetan ku is Moab ne neiring heini te umuy he nerupet he wazè en seǥipaa.

Jeremias 48:38 교차 참조

Salmo 2:9

Dumelaha nu sikandan, he wazè ebpekesukul te kedumala nu. Iring sikandan te ziniyun he ǥelemiten he edrupeten nu.’ ”

Isaias 15:3

Ebivisti sikandan te saku zutun te kedhipanew zan diyà te kersada. Midsineǥew sikandan diyà te atep te menge valey zan wey ziyà te menge pelasa.

Isaias 22:1

Heini he menge lalag ne mehitenged te suǥud-suǥud he zuen duen egkengelewasan: Hengkey is nehitavù. Maan is nemenahik kew is langun diyà te menge atep?

Isaias 30:14

Egkerupet kew iring te ziniyun he egkepurung egkerupet ne wazè en keving kayi he egkehimu he idsekilut te vaǥa ziyà te avu etawa idsekilut te wahig diyà te teleǥuey zuen.”

Jeremias 19:10

Ne migkaǥi is Nengazen kayi te kedì te, “Rupeta nu is umuy ziyà te etuvangan te menge etew he eduma kenikew.

Jeremias 19:11

Ne keǥiyi nu sikandan te, iyan a, is Nengazen he Mekeǥeǥehem migkaǥi te, ‘Ebpurungan ku edezeeti is Juda wey is Jerusalem iring te kegkerupet kayi te umuy he kenè en egkehimu he ebpurungan. Ibpenleveng is utew mahabet he ebpematey ziyà te Tofet taman te wazè en lugar he egkelevengan.

Jeremias 22:28

Jehoyakin, neiring ka te nerupet he ziniyun he intimbag su wazè din en pulus. Iyan heeyan hinungdan ke maan is idtimbag ku sikew wey is menge anak nu ziyà te inged he wazè niw zuen hanew.”

Jeremias 25:34

Sikiyu is menge pengulu, purung kew sineǥew he edtelulid diyà te eliyavuk tuus te utew niw kegkeseeng. Su neume en is timpu he edhimetayan kew he iring te edlepaan he kerehidu. Egkeruntek kew iring te mahalen he ziniyun he nerupet.

Hoseas 8:8

Is Israel henduen be te mid-emeluk te zuma he menge nasyun. Ne ǥuntaan te nekidsevaha en heini kandan ne neiring heini te ǥelemiten he wazè din pulus.