Jeremias 48:20 - Manobo Western Bukidnon OT

²⁰ Ne edtavak dan te, ‘Nezeetan en is Moab, ne nepeel-elezan en is menge etew zuen. Umbe keseeng kew wey sineǥew kew. Kulehia niw is menge tig-Arnon he nezeetan en is Moab.’

Jeremias 48:20 교차 참조

Isaias 15:8

Is kegkezineǥa te ked-erang dan ne taman en te zulunà te Moab wey Eglaim wey taman te Beer Elim.

Isaias 16:2

Is menge vahi he menge tig-Moab he ziyà te repasan te Arnon neiring sikandan te menge tagbis he mibuǥew puun te menge salag dan.

Deuteronomio 2:36

“Midtevangan kiw te Nengazen he Megbevayè tew te ked-aǥew te Aroer he kilid te zal-ug he Arnon wey te zuma he inged he uvey kayi wey te menge lugar pehendiyà te Gilead. Wazà medselir kenitew is menge verengbeng te menge inged.

Josue 13:9

Is tanè dan, ne ziyà ebpuun te Aroer ziyà te kilid te zal-ug he Arnon (ragkes is inged diyà te kilid kayi he zal-ug) pehendiyà te tivuuk he suǥud puun te Medeba taman te Dibon.

Zatù 11:18

“Dutun te huziyan he timpu, midlaus sikandan medhipanew ziyà te sibsivayan. Midliǥuy sikandan diyà te Edom wey Moab taman te nekeuma sikandan diyà te zapit te edsilaan he vahin te Moab he veyvey te Wahig he Arnon. Dutun sikandan megkampu, iyan, wazà sikandan medlayun te Arnon su dulunà haazà te Moab.