Jeremias 46:12 - Manobo Western Bukidnon OT

¹² Egketuenan te menge etew ziyà te menge nasyun kayi te tivuuk he kelibutan is keelezan niw wey kebpekesineǥew niw. Su ebpekedrurumbag is menge sundaru niw he egkengepiley.”

Jeremias 46:12 교차 참조

Isaias 10:4

Wazà egkesamà keniyu, kekenà, egkengevihag kew etawa ebpemematey. Piru kenè pa ǥihapun egkeengked is pauk te Nengazen! Andam pa ǥihapun sikandin he edsilut keniyu.

Isaias 19:2

Migkaǥi is Nengazen te, “Ibped-uney ku ibpedtetebek is menge Ehiptohanen: suled kuntra te suled, siringan kuntra te siringan, inged kuntra te inged, wey ginhedian kuntra te ginhedian.

Isaias 24:11

Ebpemengulahì is menge etew ziyà te menge zalan su ebuyù dan te vinu. Is kelipey zan egkeliwanan te kegkeseeng. Wazè en kelipey kayi te kelibutan.

Jeremias 14:2

“Egkeseeng utew is Juda; is menge inged kayi ebpengguyaan. Ebpemekepimpinuu is menge meǥinged kayi he tanà is egkengeseeng, ne egkezineg is ebpemenineǥew ziyà te Jerusalem.

Jeremias 2:36

“Melemu zà diyà te keniyu is ked-ilis-ilis te kezapig niw he menge nasyun. Piru utew kew ebpeel-elezi te Ehipto he kezapig niw iring te kebpeel-elezi keniyu te Asiria.

Jeremias 46:6

Elistu kew wey meǥaan he ebpelelaǥuy, piru kenè kew ǥihapun ebpekelikey. Egkengezeetan kew ziyà te zapit te zizaya he uvey te Wahig he Eufrates.

Jeremias 47:2

“Duen menge etew ziyà te nasyun diyà te zizaya he edsurung he egkeiring te zalem he edlapey ziyà te tivuuk he tanà. Edezeetan kayi he menge etew is langun he menge inged wey is menge meǥinged dutun. Ebpekekulahì is menge etew tenged te kegkahandek dan wey ebpemekeerang sikandan te kenà alang-alang.

Jeremias 48:34

Is erang te menge tig-Heshbon taman en is kegkezineǥa zuen diyà te Eleale wey Jahaz. Is erang te menge tig-Zoar, taman en is kegkezineǥa zuen diyà te Horonaim wey Eglat Shelishiya. Su minsan is wahig he Nimrim nemezahan en.

Jeremias 49:21

Tenged te utew subra he kegkezeeti te Edom egkeenluwag is tanà, ne is erang dan ebpekeuma is kegkezineǥa zuen diyà te Daǥat he Meriǥà.

Jeremias 50:46

Tenged te utew subra he kegkezeeti te Babilonia egkeenluwag is tanà, ne is erang dan ebpekeuma is kegkezineǥa zuen diyà te zuma he menge nasyun.”

Jeremias 51:54

Egkezineg is erang te kebpetavang te Babilonia tenged te kegkezeeti kayi.

Nahum 2:5

Ebmendaran te hadì is menge upisyal te menge sundaru. Ebpemekeurambak en sikandan te kegaanggaan dan te ked-uvey ziyà te menge verengbeng niw su wey zan iketaud is pengalang te menge sundaru he edrundus duen te verengbeng.

Zefanias 1:10

Migkaǥi is Nengazen te, “Zutun he andew egkezineg is kulehian te ebpekitavang diyà te pultahan he migngezanan te Pultahan te menge Isdà diyà te inged he Jerusalem wey is lendag diyà te veǥu he vahin kayi he inged. Egkezineg daan is dekelà he keǥurub te egkengerundus he menge valey ziyà te menge vuvungan.

1 Samuel 5:12

Ne sikan is nengesamà he wazà mebpatey ne mibpenlevaǥan, ne nekeuma ziyà te langit is kebpekitavang dan.