Jeremias 46:10 - Manobo Western Bukidnon OT

¹⁰ Piru iyan ebpekezaag is Nengazen he MEGBEVAYÀ he Mekeǥeǥehem kayi he tebek. Kayi he timpu ebpenimales sikandin te menge kuntada zin. Is ispada zin egkeiring te egkevitil he langgam he ed-emeluk kandan wey edhiǥup te lengesa zan taman te egkahantey wey egkeperahan. Egkehimu sikandan he pemuhat diyà te Nengazen he MEGBEVAYÀ he Mekeǥeǥehem diyà te tanà he zapit te zizaya, he uvey te Wahig he Eufrates.

Jeremias 46:10 교차 참조

2 Hadì 24:7

Wazè en med-uman medsurung is hadì te Ehipto, su mid-aǥew te hadì te Babilonia is langun he menge lugar zin, puun te zal-ug te Ehipto taman te Wahig he Eufrates.

Job 24:1

“Maan is wazà teleena te Mekeǥeǥehem he Megbevayà is timpu te kedhukumi zin te lalung he menge etew? Maan is wazà mekaahà is menge migkilala kandin dutun te timpu te kedhukum?

Isaias 13:6

Sineǥew kew su hapit en is andew te Nengazen, kes andew te kebpendezaat te Mekeǥeǥehem he Megbevayà.

Isaias 2:12

Su zuen andew he midtelaan te Nengazen he Mekeǥeǥehem he zutun ibpekevavè din is ked-etew te menge hembugiru, menge mepelevawen, wey mid-isip dan he gemhanan sikandan.

Isaias 31:8

Ebpematey is menge tig-Asiria, piru kenà tenged te ispada te etew. Ebpeleǥuyan dan is tebek, ne egkehimu he menge uripen is menge vetan-en kandan.

Isaias 61:2

Midsuǥù e zin daan te kebpenudtul he neume en is timpu te kedlibriya te Nengazen te menge etew zin, ne edsilutan din is menge kuntada zan. Midsuǥù e zin daan te kedlipey te egkengeseeng diyà te Jerusalem, su para kenà avu is igkesavuk dan diyà te ulu zan he tuus te kegkeseeng dan, kekenà, kuruna he vulak, ne edlenahan dan is ulu zan he tuus te melipayen sikandan. Egkeiring dan te kayu he ulayan he impemula te Nengazen. Egngezanan sikandan he menge metazeng para te zengeg te Nengazen.

Isaias 63:4

Mibeelan ku heini su neume en is andew te kebelesi ku te menge kuntada ku ne edlibriyen ku is menge etew ku.

Jeremias 12:12

Ebpekeuma ziyà te zemilag he menge vuvungan diyà te disirtu is ebpendezaat te tivuuk he tanà, ne wazà ebpekepelaǥuy te menge etew zutun.

Jeremias 46:14

“Jeremias, tudtula nu heini ziyà te Ehipto, Migdol, Memfis, wey Tapanhes: Pengandam kew su naandam en is ispada he idezaat keniyu.

Jeremias 46:2

Is Lalag Mehitenged te Ehipto: Iyan heini menge lalag he ebpekesuǥat diyà te menge sundaru ni Faraon Neco he hadì te Ehipto. Nezaag heini sikandan ni Hadì Nebucadnezar he hadì te Babilonia, diyà te Carkemish uvey te Wahig he Eufrates, hein ikeepat he tuig te kedhadì ni Jehoyakim, he anak ni Josia he hadì te Juda:

Jeremias 46:6

Elistu kew wey meǥaan he ebpelelaǥuy, piru kenè kew ǥihapun ebpekelikey. Egkengezeetan kew ziyà te zapit te zizaya he uvey te Wahig he Eufrates.

Jeremias 50:15

Kulahì kew en te egkezineg minsan hendei! Ahàa niw man! Midsurindir en is Babilonia! Nengerundus en is menge turi zin ne nengewaǥey en is menge verengbeng din. Ne penimales heini te Nengazen kandin. Umbe velesi niw sikandin ne veeli niw ziyà te kandin is mibeelan din diyà te zuma.

Jeremias 50:18

“Umbe siak, is Nengazen he Mekeǥeǥehem, he Megbevayà te Israel, migkaǥi a te, ‘Edsilutan ku is hadì te Babilonia iring te midsilutan ku is hadì te Asiria.

Jeremias 51:6

“Sikiyu is menge tig-Juda wey tig-Israel, ewai niw is Babilonia su wey kew melibriyi! Kenè kew pekimatey tenged dà te salà te menge tig-Babilonia. Timpu en he ebelesan ku sikandan te ereg te mibeelan dan.

Ezekiel 21:28

“Ne sikew is etew, keǥiyi nu is menge Amunihanen he edsudì te Israel he siak, is Nengazen he MEGBEVAYÀ, migkeǥiyan ku sikandan te: Andam en is ispada he ibpenhimatey. Utew heini impesinew su wey mebpengindab iring te kilat.

Joel 1:15

Egkeuvayan en is andew te kebpendezaat te Nengazen he Mekeǥeǥehem.

Joel 2:1

Ipezaǥing niw is budyung su wey mekepengandam is menge etew ziyà te Zion, he iyan kes segradu he vuntud te Nengazen. Sikiyu is langun he meǥinged diyà te Juda, egkerkeren kew tenged te kegkahandek, su egkeuvayan en is andew te kedsilut te Nengazen.

Zacarias 6:6

Sikan is kerwahi he eguyuzen te meitem he menge kudà, midhendiyà te zizaya. Sikan is kerwahi he eguyuzen te meputì he menge kudà, midhendiyà te edsenlepan. Ne sikan is kerwahi he eguyuzen te kevangan he menge kudà, midhendiyà te zivavà.

Deuteronomio 32:42

Is besut te panè ku ne egkelupit te lengesa zan, ne egkeǥetad sikandan te ispada ku. Ebpemematey sikandan ragkes en is menge teǥepalì kandan wey is egkengezekepan kandan. Ebpemematey ragkes en is menge pengulu zan.’ ”