Jeremias 44:25 - Manobo Western Bukidnon OT

²⁵ Iyan heini migkaǥi te Nengazen he Mekeǥeǥehem, he Megbevayà te Israel: ‘Midtuman niw wey te menge esawa niw is impenaad niw he kedtutung te veyewà wey kedhalad te pemuhat he inumen he para te Rayna te Langit. Sigi en, leusa niw en is baal niw. Tumana niw is impenaad niw.

Jeremias 44:25 교차 참조

Job 34:22

Wazà merusirem he lugar he egkehimu he ed-elesan te menge lalung.

Isaias 28:15

Su ibpehambug niw is kegkaǥi niw te, “Nekidsebutè key te kemetayen he kenè key zin kevuta, wey nekid-uyun key te iveyaan he kenè key zin ipehendiyà. Umbe kenè key egkekeizan minsan ebpekeuma is bangkit he iring te zalem, su midsarig key te menge ketetarù wey mid-endilung key ziyà te menge limbung.”

Jeremias 32:29

Edselezan dan heini he inged ne ebinsulan. Elin daan ebinsulan dan is menge valey he zutun te atep dan edtutungen is beyewà para ki Baal. Ne zutun daan edhalad dan te idhalad he menge inumen para te zuma he menge ed-ezapen he utew ku ingkeepes.

Ezekiel 20:39

Migkeǥiyan daan te Nengazen he MEGBEVAYÀ is menge etew te Israel te, “Sigi, pedayun kew en he ebpenilbi te zuma he menge ed-ezapen niw emun kenè kew egkesuat he ebpezumazuma kediey. Piru egkeuma is timpu he kenà ad keniyu egkepeelimungawan pinaaǥi te kebpemuhat niw ziyà te menge ed-ezapen niw.