Jeremias 44:15 - Manobo Western Bukidnon OT

¹⁵ Utew mahabet is menge Judio he netiǥum te kebpemineg ki Jeremias. Heini sikandan nemen-ubpà diyà te zizaya wey zivavà he vahin te Ehipto. Is langun he menge maama he nesayud he is menge esawa zan midtutung te veyewà para te zuma he menge ed-ezapen, wey is langun he menge vahi zutun, migkaǥi ziyà te ki Jeremias te,

Jeremias 44:15 교차 참조

Genesis 19:4

Ne zutun te wazè dan pa mekehizeǥà, nemekeuma is langun he menge maama zutun te tivuuk he inged he Sodom, menge kengkenakan wey menge meǥurang he maama, ne midlingutan dan is baley ni Lot.

Nehemias 13:26

Ne migkeǥiyan ku sikandan te, “Kenè be iyan heini hinungdan te kebpekesalà ni Hadì Solomon he hadì te Israel? Wazà hadì diyà te minsan hendei he nasyun he iring kandin. Pinelanggà sikandin te Megbevayè din, ne midhimu sikandin te Megbevayà he hadì te tivuuk he Israel. Piru liyu zutun nekevaal sikandin te salà tenged te ked-iniyata kandin te menge esawa zin he kenà menge Israilihanen.

Erubasa 11:21

Siguradu he edsilutan is menge etew he mezaat is menge ulaula zan, iyan, kenà mulà edsilutan is menge metazeng.

Isaias 1:5

Menge tig-Israel, maan is mibpedayun kew mebpekidsukulà? Egkesuat kew ve he edsilutan? Iring kew te etew he nepurung te palì is ulu zin wey utew mesakit is gehinawa zin.

Isaias 48:5

Umbe, zaan ku en he migkaǥi ziyà te keniyu is ebeelan ku. Te wazè pa heini mehitavù mibpeseyuzan ku en keniyu su para kenè kew mekekaǥi he iyan is menge kayu wey menge mital he ed-ezapen niw midtagnà wey midtuman kayi.

Jeremias 44:1

Migkeǥiyan te Nengazen is menge Israilihanen diyà te Ehipto he ziyà med-ubpà te zizaya he vahin te Ehipto he iyan is menge inged diyà te Migdol, Tapanhes, wey Memfis, ragkes daan is diyà te zivavà he vahin te Ehipto.

Jeremias 44:19

Migkaǥi zaan is menge vahi te, “Kada timpu te kedtutung dey te veyewà he para te Rayna te Langit wey ke edhalad key te pemuhat he inumen para kandin, wey ke edhilutù key te supas para kandin he in-iring te zagwey zin, egketuenan heini te menge esawa zey.”

Jeremias 44:24

Mid-umanan pa keǥiyi ni Jeremias is langun he menge etew zutun, ragkes is menge vahi te, “Sikiyu is menge etew ziyà te Juda he kayi ed-ubpà te Ehipto, pemineǥa niw is lalag te Nengazen.

Ezekiel 29:14

Idlikù ku sikandan diyà te Patros he divavà he vahin te Ehipto, he iyan kes tanà he mibpuunan dan. Ne zutun egkehimu zà sikandan he mevavà is kebpekesavuk din he ginhedian–

Ezekiel 30:14

Edhimuwen ku he mekevulungbulung is Patros, ebinsulan ku is Zoan, ne edsilut a ziyà te Tebes.

Deuteronomio 13:7

Emun ed-iniyaten ke zin te ked-azap te menge ed-ezapen te menge etew he nekeelingkus keniyu etawa menge etew ziyà te meziyù he lugar,