Jeremias 44:11 - Manobo Western Bukidnon OT

¹¹ “Umbe siak, is Nengazen he Mekeǥeǥehem, he Megbevayà te Israel, andam e en he edezaat keniyu wey te tivuuk he tig-Juda.

Jeremias 44:11 교차 참조

Salmo 34:16

Piru egkuntedahan din is menge etew he ebaal te mezaat. Edèdeetan din sikandan taman te kenè en sikandan egketenuzan te menge etew kayi te kelibutan.

Jeremias 21:10

Nekehukum ad he ibpaaǥi ku kayi te inged is kezeetan ne kenà keupiyaanan. Ibeǥey ku heini ziyà te hadì te Babilonia ne ebinsulan din heini.’

Jeremias 44:26

Piru pemineǥa niw is menge lalag ku, ziyà te keniyu te menge etew ziyà te Juda he kayi med-ubpà te Ehipto. Impenangdù ku ziyà te ǥehinawa ku he wazè en keniyu ebpekeǥamit te mekeǥeǥehem he ngazan ku. Kenè ku en idtuǥut ke egemiten niw is ngazan ku te kebpenangdù niw te iring kayi: “Ebpenangdù a pinaaǥi te ngazan te uuyag he Nengazen he MEGBEVAYÀ.”

Ezekiel 15:7

Uya, edsilutan ku sikandan, minsan egkepeleǥuyan dan is hapuy, egkeepur ǥihapun sikandan te ikezuwa he hapuy. Ne zutun egketuenan dan he iyan a Nengazen.

Leviticus 17:10

Is minsan hentei he egkaan te lengesa egkeepesan te Nengazen ne kenè niw en sikandin isipa he zuma niw.

Leviticus 26:17

Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.

Amos 9:4

Minsan bihaǥa pa sikandan te menge kuntada zan, ebpenhimetayan ku ǥihapun sikandan. Su utew a disididu te kedezaat kandan ne kenà kedtavang kandan.’ ”