Jeremias 42:21 - Manobo Western Bukidnon OT

²¹ Ne ǥuntaan migkaǥi ku en is langun he migkaǥi te Nengazen he Megbevayè niw, piru wazè niw ǥihapun heini tumana.

Jeremias 42:21 교차 참조

Salmo 81:12

Umbe, mibpesagdan ku sikiyu te kebmesinupaken niw, ne mibeelan niw is egkesuatan niw.

Jeremias 43:1

Ne hein neipus ni Jeremias te egkaǥi is langun he migkaǥi te Nengazen he Megbevayè dan mehitenged kandan,

Jeremias 43:4

Tenged kayi, si Johanan wey is duma zin he menge upisyal te menge sundaru, wey is langun he menge etew zutun, wazà medtuman te suǥù te Nengazen he kenè dan med-awà diyà te Juda.

Jeremias 43:7

Wazè dan pezumdumahi is Nengazen. Ne midhendiyè dan te Ehipto, ne nekeuma zan diyà te inged he Tapanhes.

Ezekiel 2:7

Keǥiya nu is menge lalag ku ziyà te kandan, mebpemineg heini is menge mesinupaken etawa kenà.

Ezekiel 3:17

“Sikew is etew, midhimu ku sikew he perevantey te menge etew te Israel. Umbe emun duen egkezineg nu he petizaan he ebpuun kayi te kedì ne segugunè nu keǥiya ziyà te kandan.

Ezekiel 33:31

Umbe, ed-uvey is menge etew ku ziyà te kenikew iring duen te layun dan ebeeli, ebpinuu zan diyà te etuvangan nu he henduen be te tutuu he ebpemineg dan kenikew, piru iyan benar is wazè dan tumana is mibpengaǥi nu. Netuleng dan dà te kegkaǥi he mahal e zan, piru iyan diyà te ǥehinawa zan is dekelà he kadar te selapì.

Ezekiel 33:32

Diyè te kandan, iring ke zà te perekanta he zuen din meupiya he laǥeng he egkanta te kentahan para te kebmahal wey sevaha ka he metau he edtukar te instrumintu. Mibpemineg dan dà is menge lalag nu piru wazè dan heini tumana.

Deuteronomio 29:19

Is minsan hentei he nekezineg te menge petizaan pinaaǥi kayi te menge rawak, ne kenè din isipa he kenà sikandin egkemenu ke ebpedayun he ebaal te kandin dà he egkesuatan. Heini he ulaula ebpekeuwit te kezeetan diyà te keniyu te langun.

Deuteronomio 30:15

“Pemineg kew! Guntaan he andew ibpepilì ku sikiyu kayi: untung etawa kemetayen, keuswagan etawa kezeetan.

Deuteronomio 30:19

“Guntaan he andew ebpengum-umawen ku is langit wey tanà su ibpetistiǥus ku ke hengkey is ebpilien niw kayi: untung etawa kemetayen, tuvad etawa rawak. Pilia niw is untung su para meuyag-uyag kew wey is menge anak niw.