Jeremias 42:2 - Manobo Western Bukidnon OT

² Migkaǥi zan diyà te ki Jeremias te, “Edhangyù key ziyà te kenikew he pengemuyù ka ziyà te Nengazen he Megbevayè nu para kenami te nesamà. Neehè nu he mezakel key zengan, iyan, guntaan deisey key zà.

Jeremias 42:2 교차 참조

1 Hadì 13:6

Ne migkaǥi haazà is hadì dutun te suluǥuen te Megbevayà te, “Iampù a kenikew ziyà te Nengazen he Megbevayè nu he vewii zin is belad ku.” Umbe mid-ampù haazà is suluǥuen te Megbevayà diyà te Nengazen, ne neulian is belad dutun te hadì.

Salmo 119:170

Berakat he ebpemineǥen nu is ked-ampù ku. Libriya a sumalà is saad nu.

Exodus 8:28

Ne migkaǥi is hadì te, “Edtuǥutan ku sikiyu te kedhendiyà te sibsivayan su wey niw mepemuhat is Nengazen he Megbevayè niw, piru kinahanglan he kenè kew edhendiyà te utew meziyù. Ne iampù e en keniyu.”

Exodus 9:28

Iampù niw ziyà te Nengazen he ipeengked din en heini is gerabi he veransì wey giyew. Ne human ku en sikiyu edtuǥuti te kedhipanew; kenè kew en ereg he ed-ubpè pa kayi.”

Isaias 1:15

“Emun ebpengemuyù kew ne kenè ku sikiyu ebpemineǥen. Kenà a ebpemineg minsan kepipira kew pa med-ampù, su mahabet en is mibpenhimetayan niw he menge etew.

Isaias 1:9

Emun wazà uuyag he midsamà kenitew te Nengazen he Mekeǥeǥehem, ne egkeiring kiw en te Sodom wey Gomora.

Isaias 37:4

Midsuǥù te hadì te Asiria is peremandar te menge sundaru zin te ked-undaunda te uuyag he Megbevayà. Kela ke seǥipaa te Nengazen he Megbevayè nu is mibpengaǥi zuen te peremandar te menge sundaru ne edsilutan sikandin tenged dutun, umbe pengemuyù ka para kenitew te nengesamà.”

Isaias 42:20

Mahabet en is neehè niw piru wazè niw seǥipaa. Ebpekezineg kew pezem piru kenè kew ebpemineg.”

Jeremias 15:11

Midtavak a te Nengazen te, “Benar iyan, egkehimu zed he meupiya is langun para kenikew. Emun timpu te kedlised wey kegkezeeti te menge kuntada nu edhangyù dan he ipengemuyù nu sikandan.”

Jeremias 2:27

Egkeǥiyen niw he kayu is amey niw ne vatu is iney niw. Mid-iniyuǥan a keniyu, piru emun edlised kew, ebuyù kew te tavang kayi te kediey.

Jeremias 21:2

“Betbetai nu hengyui is Nengazen te kedtavang kenami, su midsurung key ni Hadì Nebucadnezar he hadì te Babilonia. Su kela ke mebaal is Nengazen te egkein-inuwan iring te mibeelan din dengan, su para meengked is kedsurung ni Nebucadnezar.”

Jeremias 36:7

Su kela ke pinaaǥi kayi edangep sikandan diyà te Nengazen, ne ed-engkezan dan is mezaat he vetasan dan. Su mibpetizeenan en sikandan te Nengazen he edsilutan sikandan tenged te utew zin kegkepauk.”

Jeremias 37:20

Mahal he Hadì, emun egkehimu ne pemineǥa a kenikew. Edhangyù a ziyà te kenikew he kenà ad kenikew ilikù diyà te valey ni Jonatan he sikritaryu su ebpatey a emun diyà a.”

Jeremias 37:3

Ne midsuǥù ni Hadì Zedekia si Jehucal he anak ni Shelemia wey is memumuhat he si Zefanias he anak ni Maasea he medhendiyà te ki Jeremias he ebpeneuven, ne hengyui zan sikandin he mebpengemuyù diyà te Nengazen he Megbevayè dan para kandan.

Jeremias 38:14

Dutun impetawag ni Hadì Zedekia si Jeremias diyà te iketelu he ǥemawan te valey te Nengazen. Migkaǥi si Zedekia ziyà te ki Jeremias te, “Duen ku id-insà kenikew, ne iyan suat ku he keǥiya nu kayi te kediey is tutuu.”

Jeremias 40:15

Ne hein neipus haazà, nekidhinguma si Johanan ki Gedalia te meeles ne ke sikandin te, “Edhimetayan ku si Ishmael te meeles. Su kenà meupiya ke ebey-anan dà sikandin is edhimatey kenikew. Su egkehimu heini he hinungdan te kebpekepeyapat wey kegkengetazin te menge Judio he nesamà kayi te Juda he midumala nu.”

Jeremias 42:20

Kenè iyan meupiya heini is ulaula niw! Midhengyuan a keniyu he medangep a ziyà te Nengazen para keniyu, ne migkaǥi kew pa he ebeelan niw is langun he egkeǥiyen din diyà te keniyu.

Penhulùhulù 1:1

Utew mekevulungbulung is Jerusalem, he zengan mahabet is menge etew kayi. Dengan nevantug heini kayi te tivuuk he kelibutan, iyan, guntaan neiring en te valu he vahi. Dengan iyan heini edhuna he inged, piru ǥuntaan neiring en heini te uripen.

Ezekiel 12:16

Piru edtuǥutan ku is egkepipira kandan he mekelingkawas te tebek, bitil, wey zaru su wey zan metudtul ziyà te menge nasyun he egkepeveyaan dan is utew mezaat he menge vaal zan. Ne zutun egketuenan dan he iyan a Nengazen.”

Hoseas 8:10

Piru minsan mibpesakup is Israel te zuma he menge nasyun, ne edtiǥumen ku ǥuntaan is menge etew kayi ne edsilutan ku. Ne ebpuun en is kegkerasey zan tenged te kedluplupiǥa kandan te sevaha he hadì wey menge upisyal zin.

Leviticus 26:22

Edsuǥuen ku ziyà te keniyu is dumezaas he menge langgam ne ebpenhimetayan dan is menge anak niw wey menge uyaǥen niw, ne tenged kayi zeisey zà is egkesamà keniyu he henduen be te wazè en edhiphipanew ziyà te menge zalan niw.

Amos 7:2

Ne zutun migkaan te terapan is langun he pinemula, ne wazè en nesamà. Ne zutun migkaǥi a te, “Nengazen he MEGBEVAYÀ, edhangyù a ziyà te kenikew he peseyluwa nu is menge kevuwazan ni Jacob. Egkemenumenu is kegkeuyag-uyag dan emun egkehitavù heeyan he silut? Meluya zan ne kenè dan ebpekegaga.”

Deuteronomio 28:62

Minsan iring kew kahabet te menge vituen diyà te langit, deisey zà is egkesamà keniyu su wazè kew mebpemineg te Nengazen he Megbevayè niw.

Deuteronomio 28:63

Iring te ingkelipey te Nengazen is kebpeuswag wey kebpezekelà keniyu, igkelipey zin daan is kedezaat wey kegerà keniyu, taman te egkengahanew kew puun duen te tanà he edselezan niw su wey niw maangken.

Deuteronomio 4:27

Idsawed kew te Nengazen diyà te zuma he menge nasyun, ne zeisey zà is egkesamà keniyu ziyà te menge nasyun he edtimbaǥan keniyu te Nengazen.

1 Samuel 12:19

Migkeǥiyan dan si Samuel te, “Edhangyù key kenikew he, pengemuyù ka ziyà te Nengazen he Megbevayè nu he kenè key pezem mebpematey, su neumanan dà is menge salè dey te kebuyù dey te hadì.”

1 Samuel 12:23

“Emun mehitenged kediey, layun ku sikiyu ibpengemuyù diyà te Nengazen, su emun kenè ku heini ebeelan ne ebpekesalà a ziyà te Nengazen. Ne ebpenuruen ku sikiyu te kebpengungubpaan he meupiya wey hustu.

1 Samuel 7:8

Migkeǥiyan dan si Samuel te, “Kenè ka engked he ebpengemuyù te Nengazen he Megbevayè tew he luwasa kiw zin kayi te menge Filistihanen.”