Jeremias 42:15 - Manobo Western Bukidnon OT

¹⁵ Iyan heini idtavak keniyu te Nengazen he Mekeǥeǥehem he Megbevayà te Israel: ‘Sikiyu is nesamà he menge etew te Juda, emun disididu kew he ziyè ed-ubpà te Ehipto,

Jeremias 42:15 교차 참조

Genesis 31:21

Ne zutun te kegenat eni Jacob, mid-uwit din is langun he keleglaǥan din. Midrapas dan te Wahig he Eufrates ne ziyè dan medtandang te menge vuvungan te Gilead.

Jeremias 27:8

“ ‘Piru ǥuntaan, emun duen nasyun etawa ginhedian he kenà ebpenilbi etawa kenà ebpesakup ki Hadì Nebucadnezar he hadì te Babilonia, edsilutan ku haazà he nasyun etawa ginhedian pinaaǥi te tebek, bitil, wey menge zaru taman te igkepesakup ku sikandan ki Nebucadnezar.

Jeremias 42:17

Uya, is langun he egkesuat he ed-ubpà diyà te Ehipto ebpatey te tebek, bitil, wey zaru. Wazà minsan hentei kandan he egkelibri etawa ebpekelingkawas te kezeetan he ibpeseǥazan ku kandan.’

Jeremias 44:24

Mid-umanan pa keǥiyi ni Jeremias is langun he menge etew zutun, ragkes is menge vahi te, “Sikiyu is menge etew ziyà te Juda he kayi ed-ubpà te Ehipto, pemineǥa niw is lalag te Nengazen.

Daniel 11:17

Meheǥet is tinguhà duen te hadì diyà te zizaya te kebpekidtebek te ginhedian diyà te zivavà taman te egkehimu zan. Piru ebpekidsevaha zèpa sikandin te hadì diyà te zivavà pinaaǥi te kebpeesewaa zin te anak din he vahi zuen te hadì su wey zin mezèdeeti is ginhedian diyà te zivavà pinaaǥi zuen te anak din. Piru kenà egkesuat haazà is bahi ke egkekuntada zin is ginhedian diyà te zivavà ne kenè sikandin edlavan te amey zin.

Deuteronomio 17:16

Kinahanglan he kenà ebpekehebeten te hadì niw is menge kudè din wey kenè din ipelikù diyà te Ehipto is menge etew zin te kebpemasa te menge kudà, su is Nengazen he Megbevayè niw migkaǥi ziyà te keniyu te kenè kew en likù diyà.