Jeremias 37:19 - Manobo Western Bukidnon OT

¹⁹ Hendei en be sikan is midseriǥan niw he menge ebpeneuven he nenagnà he kenà edsurungen te hadì te Babilonia heini is inged?

Jeremias 37:19 교차 참조

2 Hadì 3:13

Ne migkeǥiyan ni Elisha haazà is hadì te Israel te, “Hengkey is lavet ku kenikew? Diyè ka pevayà te menge ebpeneuven he midseriǥan te amey nu wey iney nu!” Migkaǥi haazà is hadì te Israel te, “Kenà, su iyan is Nengazen mid-uwit kenami te tetelu kayi he lugar su wey key zin ikeveǥey ziyà te hadì te Moab.”

Jeremias 2:28

Hendei en is menge ed-ezapen he mibeelan niw para keniyu? Ipeuvey niw ziyà te keniyu su ed-ahaan ta ke ebpekehimu ve sikandan he edlibri keniyu te kelised niw. Su utew mezakel is menge ed-ezapen niw iring kezakel te menge inged diyà te Juda.

Jeremias 23:17

Iyan heini layun egkeǥiyen dan diyà te menge etew he edsudì kedì wey ebpezumazuma te mesinupaken he ǥehinawa zan: ‘Egkehimu he utew meupiya is kebpekesavuk niw, migkaǥi is Nengazen. Wazà mezaat he egkehitavù keniyu.’

Jeremias 29:31

“Ipetueni heini he menge lalag te langun he menge vihag. Keǥiyi nu sikandan he iyan heini migkaǥi ku vahin ki Shemaya he tig-Nehelam: Wazè ku suǥùa si Shemaya te kebpenudtul ziyà te keniyu. Impetuu kew zin te tarù din.

Jeremias 6:14

Wazè dan seǥipaa is palì te menge etew ku he iyan is uvag dà he kedtuu. Minsan gerabi heini, egkaǥi zan te ‘melinawen kiw’ minsan pa te iyan tutuu is duen tebek.

Jeremias 8:11

Wazè dan seǥipaa is palì te menge etew ku minsan pa te grabi en heini. Kesikandan te meupiya zed is langun minsan pa te kenà haazà tutuu.

Penhulùhulù 2:14

Is menge lalag te ebpemeneuven diyà te keniyu ne kenà tutuu. Wazè din pulus ne ebpeketazin keniyu. Wazè dan ipahayag is menge salè niw he iyan pezem kenè niw igkevihag.

Ezekiel 13:2

“Sikew is etew, rewaki nu is menge tarù he ebpeneuven kayi te Israel he ebpenagnà te binèbeelan dan dà. Keǥiyi nu sikandan he mebpemineg dan kayi te menge lalag ku:

Ezekiel 13:6

Kenà tutuu is nelewasan dan ne tarù is menge tagnè dan. Kesikandan te ebpuun diyà te Nengazen is menge lalag dan, piru iyan tutuu is wazè ku sikandan suǥua. Ne ebperateng pa sikandan te kegketuman te mibpengaǥi zan.

Deuteronomio 32:38

Hendei en is menge ed-ezapen dan he egkaan te tavà te menge ibpemuhat dan wey ed-inum te pemuhat dan he vinu? Petavang kew kandan, aput kew ziyà te kandan!