15 Utew nepauk is menge upisyal ki Jeremias. Impevuǥel zan wey mibpirisu zan diyà te valey ni Jonatan he sikritaryu. Su haazà he valey midhimu zan he pirisuwan.
Tenged kayi, ne nepauk utew sikandin dutun te ebpeneuven, umbe impepirisu zin sikandin. Ne puun dutun he timpu mibpuun si Asa mebpendaagdaag te zuma he menge etew zin.
Ne keǥiyi niw sikandan he iyan suǥù ku is ebpirisuwen heini he etew, ne supas dà wey wahig is ibeǥey ziyà te kandin taman te kebpekelikù ku puun te tebek he wazà mekeizi.”
Piru netuenan nu Nengazen is langun he pelanu zan te kedhimatey kedì. Umbe kenè nu sikandan peseyluwa te menge salè dan wey kelelalung. Pengelinteuwi nu he mezaag sikandan te menge kuntada zan dutun te edtengtengan nu sikandan. Siluti nu sikandan tenged te pauk nu.”
Ne migkeǥiyan te menge upisyal wey te langun he menge etew zutun is menge memumuhat wey menge ebpeneuven te, “Kenà sikandin ereg he edhukuman te silut he kemetayen, su migkaǥi sikandin diyà te kenitew pinaaǥi te ngazan te Nengazen he Megbevayè tew.”
Dutun he timpu midliǥuyan te menge sundaru te Babilonia is Jerusalem, ne si Jeremias he ebpeneuven mibpirisu ziyà te ubpeey te menge vantey ziyà te turuǥan.
Mahal he Hadì, emun egkehimu ne pemineǥa a kenikew. Edhangyù a ziyà te kenikew he kenà ad kenikew ilikù diyà te valey ni Jonatan he sikritaryu su ebpatey a emun diyà a.”
Umbe, migkuwa zan si Jeremias ne midteyuntun dan diyà te vudsi he punduwà te wahig diyà te ubpeey te menge vantey. Heini he vudsi he punduwà te wahig ne iyan teǥiǥaked si Malkia he anak te hadì. Wazè en kayi wahig piru zuen kayi vasak he ebpekerevur ki Jeremias.
