Jeremias 36:6 - Manobo Western Bukidnon OT

⁶ Umbe, iyan ke zà hendiyà te valey te Nengazen dutun te andew te kebpuasa. Edtiǥum dutun is menge etew ziyà te Juda he ebpuun diyà te menge inged dan, ne vesaha nu ziyà te kandan is menge lalag te Nengazen kayi te velesahan he indikta ku kenikew is kedsurata zuen.

Jeremias 36:6 교차 참조

Jeremias 18:11

“Umbe keǥiyi nu is menge etew ziyà te Jerusalem he iyan heini migkaǥi ku: ‘Pemineg kew! Mid-andam ku is mibpelanuwan ku he kezeetan para keniyu. Umbe engkezi niw en is mezaat he vetasan niw. Beǥuwe en te kada sevaha keniyu is menge vetasan din wey menge ulaula zin.’

Jeremias 19:14

Ne mid-awà si Jeremias diyà te Tofet, he zutun din keǥiya is menge lalag te Nengazen, ne midhendiyà te lama zuen te valey te Nengazen ne migkeǥiyan din is menge etew te,

Jeremias 22:2

‘He hadì te Juda, he kevuwazan ni David, pemineǥa nu heini is menge lalag te Nengazen. Ipepemineg nu is menge upisyal nu wey is menge etew nu he kayi ebayà te menge ǥemawan te turuǥan.

Jeremias 36:2

“Kuwa ka te linulun he suratà ne isurat nu is langun he migkaǥi ku kenikew vahin te Israel, Juda, wey langun he menge nasyun. Isurat nu is langun he migkaǥi ku puun te puunà te kebpekidlalag ku kenikew (hein si Josia pa is hadì diyà te Juda) taman en guntaan.

Jeremias 36:4

Umbe, impetawag ni Jeremias si Baruc he anak ni Neria ne indikta zin kandin is langun he migkaǥi te Nengazen, ne insurat heini ni Baruc diyà te linulun he suratà.

Jeremias 7:2

“Hitindeg ka ziyà te ǥemawan te valey ku ne keǥiya nu heini he menge lalag: ‘Pemineg kew is menge etew kayi te Juda he edseled kayi te ked-azap te Nengazen.