Jeremias 36:5 - Manobo Western Bukidnon OT

⁵ Migkeǥiyan ni Jeremias si Baruc te, “Imbandu kedì is kedhendiyà te valey te Nengazen.

Jeremias 36:5 교차 참조

Nehemias 6:10

Ne sevaha he andew, midhendiyà a te ki Shemaya he anak ni Delaya wey apù ni Mehetabel, su kinahanglan he kenè din egkeewaan is baley zin. Migkaǥi sikandin kayi te kedì te, “Ebpehingumeey ki ziyà te seled te valey te Megbevayà, ne edlekevan ta is menge ǥemawan. Su ebpekeuma kengkuwan te mezukilem is menge kuntada tew ne edhimetayan ke zan.”

Salmo 88:8

Impekeziyù nu kayi te kediey is menge emiǥu ku. Midhimu nu he utew mezaat is ked-ahaa zan kedì. Nezureng a ne kenà ad ebpekepelaǥuy.

Jeremias 20:2

impevuǥel zin heini ne impepirisu zin diyà te uvey te ǥemawan te valey te Nengazen he migngezanan te Pultahan ni Benjamin.

Jeremias 32:12

Ne imbeǥey ku haazà diyà te ki Baruc he anak ni Neria wey apù ni Masea, diyà te etuvangan ni Hanamel he id-aǥew ku wey te menge tistiǥus he nemirma zutun te pepilis, wey ziyà te etuvangan te menge Judio he ebpemimpinuu zutun te ubpeey te menge vantey.

Jeremias 32:2

Dutun he timpu midliǥuyan te menge sundaru te Babilonia is Jerusalem, ne si Jeremias he ebpeneuven mibpirisu ziyà te ubpeey te menge vantey ziyà te turuǥan.

Jeremias 33:1

Hein diyè pa si Jeremias te mibpirisuwan kandin he ubpeey te menge vantey te turuǥan, migkaǥi is Nengazen diyà te kandin te ikezuwa.

Jeremias 37:15

Utew nepauk is menge upisyal ki Jeremias. Impevuǥel zan wey mibpirisu zan diyà te valey ni Jonatan he sikritaryu. Su haazà he valey midhimu zan he pirisuwan.

Jeremias 38:28

Mibpedayun is kegkepirisuwa ki Jeremias diyà te ubpeey te menge vantey te turuǥan taman te andew te kegkeeǥawa te Jerusalem.

Jeremias 38:6

Umbe, migkuwa zan si Jeremias ne midteyuntun dan diyà te vudsi he punduwà te wahig diyà te ubpeey te menge vantey. Heini he vudsi he punduwà te wahig ne iyan teǥiǥaked si Malkia he anak te hadì. Wazè en kayi wahig piru zuen kayi vasak he ebpekerevur ki Jeremias.

Jeremias 40:4

Piru ǥuntaan, ebengkasen ku is ingkedina kenikew ne ibpaawè ku sikew. Emun egkesuat ka, ne zuma ka kedì diyà te Babilonia su ed-etimanen ku sikew. Piru emun kenè ka, ne kenà heini ibmezaat te gehinawa ku. Ahàa nu is tivuuk he lugar; ne vayàbayà ke en ke hendei ka ebpevayà.