Jeremias 36:4 - Manobo Western Bukidnon OT

⁴ Umbe, impetawag ni Jeremias si Baruc he anak ni Neria ne indikta zin kandin is langun he migkaǥi te Nengazen, ne insurat heini ni Baruc diyà te linulun he suratà.

Jeremias 36:4 교차 참조

Isaias 30:8

Migkaǥi is Nengazen kayi te kedì te, “Genat ka, isurat nu ziyà te libru is egkeǥiyen ku he ebpekesuǥat te menge Israilihanen su wey zuen pengintutuu ziyà te menge etew te huziyan he timpu. Egkehimu heini he wazè din pidtemanan he pengintutuu te kelelalung dan.

Isaias 8:1

Migkaǥi is Nengazen kayi te kedì te, “Kuwa ka te meluag he edsuratan, ne isurat nu heini he menge lalag is edhenduen te: ‘Maher Shalal Hash Baz.’

Jeremias 25:13

Ibpeǥezaman ku ziyà te nasyun dan is langun he migkaǥi ku he ebpekesuǥat kandan wey is langun he nekaǥi ni Jeremias he ebpekesuǥat te zuma he menge nasyun he ingkesurat kayi te libru.

Jeremias 32:12

Ne imbeǥey ku haazà diyà te ki Baruc he anak ni Neria wey apù ni Masea, diyà te etuvangan ni Hanamel he id-aǥew ku wey te menge tistiǥus he nemirma zutun te pepilis, wey ziyà te etuvangan te menge Judio he ebpemimpinuu zutun te ubpeey te menge vantey.

Jeremias 36:14

Ne zutun, midsuǥù te menge upisyal si Jehudi he anak ni Netania he apù ni Shelemia wey apù te vuel ni Cushi, te kedhendiyà te ki Baruc, ne mibpekeǥiyan dan te, “Uwita nu sikan is linulun he velesahan ne hengkayi ka te kenami.” Umbe midhendiyà si Baruc te kandan he uwiten din sikan is linulun he velesahan.

Jeremias 36:21

Ne midsuǥù dutun te hadì si Jehudi he kuwaa zin sikan is linulun he velesahan. Ne migkuwa haazà ni Jehudi diyà te ruǥu ni Elishama ne mibasa zin duen te hadì wey te langun he ebpemenhitindeg diyà te avey zin he menge upisyal.

Jeremias 36:23

Ne kada ebpekepasad si Jehudi he ebasa te heepat he linya, ne edtempezen duen te hadì te kutsilyu zin haazà he vahin ne idtimbag din duen te hapuy, taman te naamin metutung haazà is belesahan.

Jeremias 36:26

Kekenà, midsugù dutun te hadì si Jerameel he anak din, si Seraya he anak ni Azriel, wey si Shelemia he anak ni Abdeel te kedakep ki Baruc he sikritaryu wey ki Jeremias he ebpeneuven. Piru in-eles sikandan te Nengazen.

Jeremias 36:27

Ne hein kegketutunge en te hadì duen te linulun he velesahan he midsuratan te menge lalag he indikta ni Jeremias diyà te ki Baruc, migkeǥiyan te Nengazen si Jeremias te,

Jeremias 36:28

“Kuwa ka te selakew en he linulun he velesahan ne iuman nu isurat sikan is langun he ingkesurat duen te nehuna he velesahan he midtutung ni Hadì Jehoyakim he hadì te Juda.

Jeremias 36:32

Umbe, migkuwa si Jeremias te selakew en he linulun he velesahan ne imbeǥey zin haazà ki Baruc, ne insurat dutun ni Baruc is langun he indikta kandin ni Jeremias, iring te mibeelan dan duen te nehuna he linulun he velesahan he midtutung ni Hadì Jehoyakim he hadì te Juda. Piru zuen in-uman ni Jeremias kayi he ebpekeiring ded duen te nehuna he insurat.

Jeremias 36:6

Umbe, iyan ke zà hendiyà te valey te Nengazen dutun te andew te kebpuasa. Edtiǥum dutun is menge etew ziyà te Juda he ebpuun diyà te menge inged dan, ne vesaha nu ziyà te kandan is menge lalag te Nengazen kayi te velesahan he indikta ku kenikew is kedsurata zuen.

Jeremias 43:3

Si Baruc he anak ni Neria migkeǥiyan ke zin he iveǥey key kenikew ziyà te menge tig-Babilonia, para penhimetayi key zan etawa vihaǥa key zan diyà te Babilonia.”

Jeremias 51:59

Iyan heini menge lalag he migkaǥi ni Jeremias diyà te ki Seraya te sevaha he lavew he upisyal ni Hadì Zedekia. Si Seraya anak ni Neria wey apù ni Masea. Heini he menge lalag migkaǥi ni Jeremias hein midhendiyà si Seraya te Babilonia duma ki Hadì Zedekia. Ikeepat haazà he tuig te kedhadì ni Zedekia ziyà te Juda.

Jeremias 51:60

Insurat ni Jeremias diyà te linulun he velesahan is langun he kezeetan he edhimuwen diyà te Babilonia, wey is minsan hengkey he egkehitavù diyà te Babilonia.

Ezekiel 2:9

Ne neehè ku is belad he eduwal kedì te linulun he velesahan.

Daniel 7:1

Duen te nehuna he tuig te kedhadì ni Belshazar ziyà te Babilonia, duen nelewasan ni Daniel ziyà te teǥeinep din. Iyan heini teǥeinep din he insurat din:

Zacarias 5:1

Midlilingey a ne neehè ku is sevaha he linulun he velesahan he midlayang.