Jeremias 36:16 - Manobo Western Bukidnon OT

¹⁶ Ne hein nezineg dan is langun dutun nekedsisirapà sikandan tenged te kegkehandek dan ne ke sikandan diyà te ki Baruc te, “Kinahanglan he edtudtulen tew heini ziyà te hadì.”

Jeremias 36:16 교차 참조

2 Hadì 22:11

Ne hein nezineg dutun te hadì is ingkesurat duen te Libru te Kesuǥuan, mibindas din is bisti zin tenged te kegkeseeng din.

Jeremias 13:18

Midsuǥù a te Nengazen te kegkaǥi ziyà te hadì wey ziyà te iney zin he mebpenaug en sikandan diyà te pinuuwè te kedhadi dan su hapit en id-awà diyà te kandan is mekempet he menge kuruna zan.

Jeremias 23:9

Henduen be te egkaawè en is gehinawa ku tenged te teruen he menge ebpeneuven. Mibpengerker is menge tulan ku, ne henduen be te nelangut a tenged te kegkesegradu te menge lalag he migkaǥi te Nengazen he ebpekesuǥat kandan.

Jeremias 36:24

Ne wazà mahandek haazà is hadì wey is langun he menge upisyal zin he nekezineg te menge lalag dutun te velesahan. Wazè dan ganì bindasa is kumbalè dan te kepaahà te kegkeseeng dan.