Jeremias 36:14 - Manobo Western Bukidnon OT

¹⁴ Ne zutun, midsuǥù te menge upisyal si Jehudi he anak ni Netania he apù ni Shelemia wey apù te vuel ni Cushi, te kedhendiyà te ki Baruc, ne mibpekeǥiyan dan te, “Uwita nu sikan is linulun he velesahan ne hengkayi ka te kenami.” Umbe midhendiyà si Baruc te kandan he uwiten din sikan is linulun he velesahan.

Jeremias 36:14 교차 참조

2 Hadì 25:23

Ne hein netudtulan mehitenged kayi is menge upisyal ziyà te Juda wey is menge etew zan, ne midhendiyè dan te ki Gedalia ziyà te Mizpa. Iyan sikandan si Ishmael he anak ni Netania, si Johanan he anak ni Karea, si Seraya he anak ni Tanhumet he tig-Netofa, si Jaazania he tig-Maaca, wey is menge etew zan.

Jeremias 36:2

“Kuwa ka te linulun he suratà ne isurat nu is langun he migkaǥi ku kenikew vahin te Israel, Juda, wey langun he menge nasyun. Isurat nu is langun he migkaǥi ku puun te puunà te kebpekidlalag ku kenikew (hein si Josia pa is hadì diyà te Juda) taman en guntaan.

Jeremias 36:21

Ne midsuǥù dutun te hadì si Jehudi he kuwaa zin sikan is linulun he velesahan. Ne migkuwa haazà ni Jehudi diyà te ruǥu ni Elishama ne mibasa zin duen te hadì wey te langun he ebpemenhitindeg diyà te avey zin he menge upisyal.

Jeremias 36:4

Umbe, impetawag ni Jeremias si Baruc he anak ni Neria ne indikta zin kandin is langun he migkaǥi te Nengazen, ne insurat heini ni Baruc diyà te linulun he suratà.

Jeremias 40:8

Umbe, midhendiyè dan te ki Gedalia ziyà te Mizpa. Heini he menge upisyal iyan ensi Ishmael he anak ni Netania, si Johanan wey si Jonatan he anak ni Karea, si Seraya he anak ni Tanhumet, is menge anak he maama ni Efai he tig-Netofa, wey si Jaazania he anak te tig-Maaca. Miduma zaan kandan is menge sakup dan.

Jeremias 41:16

Ne zutun midtiǥum ni Johanan wey zuen te zuma zin he menge upisyal is langun he mibihag ni Ishmael puun te Mizpa hein nepatey zin en si Gedalia he anak ni Ahikam. Ne puun diyà te Gibeon,

Jeremias 41:18

Su nahandek dan te menge tig-Babilonia tenged te kedhimetayi ni Ishmael ki Gedalia he iyan midhimu te hadì te Babilonia he gubirnedur te Juda.

Zefanias 1:1

Iyan heini lalag te Nengazen diyà te ki Zefanias dutun te timpu he si Josia he anak ni Amon iyan hadì diyà te Juda. Si Zefanias anak ni Cushi, si Cushi anak ni Gedalia, si Gedalia anak ni Amaria, ne si Amaria anak ni Hezekia.