Jeremias 36:10 - Manobo Western Bukidnon OT

¹⁰ Ne zutun te ebpemineg is menge etew, mibasa ni Baruc is menge lalag ni Jeremias he ingkesurat diyà te linulun he velesahan. Mibeelan heini ni Baruc diyà te valey te Nengazen, diyà te ruǥu ni Gemaria he sikritaryu he anak ni Shafan. Heini is ruǥu ni Gemaria diyà te zivavew te lama zuen te valey te Nengazen he uvey te veyeey pehendiyà te migngezanan he Beǥu he Pultahan.

Jeremias 36:10 교차 참조

2 Samuel 20:25

Ne iyan sikritaryu te hadì si Sheva. Is lavew he memumuhat ne si Zadok wey si Abiatar.

2 Samuel 8:17

Is lavew he menge memumuhat ne iyan si Zadok he anak ni Ahitub wey si Ahimelec he anak ni Abiatar. Ne iyan sikritaryu si Seraya.

1 Hadì 6:36

Mibpevaal zaan sikandin te lama zuen te valey te Nengazen. Neliǥuy heini te elavat he vinesbasan he menge vatu he is kada tetelu he apid duen mid-epizan te kayu he sidru.

2 Hadì 15:35

Piru wazè din iperundus is menge simbahan diyà te metikang he menge lugar, umbe mibpedayun is menge etew te kebpemuhat te menge pemuhat wey te kedtutung te menge veyewà. Si Jotam is mibaal te Egkezizaya he Gemawan te valey te Nengazen.

2 Hadì 18:37

Ne zutun mibindas ni Eliakim, ni Shebna, wey ni Joa is bisti zan tenged te kegkeseeng dan, ne midhendiyè dan te ki Hezekia ne midtudtul zan is menge lalag duen te peremandar te menge sundaru.

2 Hadì 22:3

Hein ike-18 he tuig te kedhadì din, impehendiyè din te valey te Nengazen is sikritaryu zin he si Shafan, he anak ni Azalia wey apù ni Meshulam. Migkeǥiyan din si Shafan te,

Jeremias 26:10

Ne hein nezineg heini te menge upisyal te Juda, migenat dan puun te turuǥan, ne midhendiyè dan te valey te Nengazen. Mibpinuu zan diyà te veyeey he migngezanan te Beǥu he Gemawan he valey te Nengazen he para te kedhukum.

Jeremias 26:24

Si Jeremias midtevangan ni Ahikam te anak ni Shafan. Umbe wazà sikandin ikeveǥey ziyà te menge etew wey zan mehimetayi.

Jeremias 29:3

Impeuwit ni Jeremias haazà is surat din diyà te ki Elasa he anak ni Shafan, wey ziyà te ki Gemaria he anak ni Hilkia. Midsuǥù heini sikandan ni Hadì Zedekia he hadì te Juda pehendiyà te ki Nebucadnezar ziyà te Babilonia. Iyan heini taǥù dutun:

Jeremias 35:4

Miduma ku sikandan diyà te valey te Nengazen, diyà te ruǥu te menge anak he maama ni Hanan he anak ni Igdalia te suluǥuen te Megbevayà. Heini he ruǥu avey te ruǥu te upisyal ne ziyà heini te zivavew te ruǥu ni Maasea he anak ni Shalum, he vantey te ǥemawan te valey te Nengazen.

Jeremias 36:11

Ne hein nezineg ni Micaya he anak ni Gemaria wey apù ni Shafan is menge lalag te Nengazen he mibasa ni Baruc,

Jeremias 36:25

Minsan midhangyù si Elnatan, si Delaya, wey si Gemaria zutun te hadì he kenè din tutunga sikan is belesahan, ne wazà mebpemineg haazà is hadì.

Jeremias 36:6

Umbe, iyan ke zà hendiyà te valey te Nengazen dutun te andew te kebpuasa. Edtiǥum dutun is menge etew ziyà te Juda he ebpuun diyà te menge inged dan, ne vesaha nu ziyà te kandan is menge lalag te Nengazen kayi te velesahan he indikta ku kenikew is kedsurata zuen.

Jeremias 36:8

Umbe, mibasa ni Baruc is menge lalag te Nengazen diyà te valey te Nengazen sumalà te insuǥù kandin ni Jeremias.

Jeremias 43:3

Si Baruc he anak ni Neria migkeǥiyan ke zin he iveǥey key kenikew ziyà te menge tig-Babilonia, para penhimetayi key zan etawa vihaǥa key zan diyà te Babilonia.”

Jeremias 52:25

Ne heini pa is neturedu zin dutun te inged he mibihag din: is upisyal te menge sundaru ziyà te Juda, is pitu te perezumala te hadì, is peremandar te menge sundaru he ebpen-ahà te edsunderuwen, wey is 60 he menge meǥinged dutun.

Ezekiel 40:38

Ne zuen ku naahà he ruǥu he zuen din gemawan, he avey te varkun te veyeey he zapit te zizaya. Dutun edlùlùi is menge pemuhat he edtutungen.