5 Ne midsavuk a te pitsil he midteǥuan te vinu wey menge tasa ziyà te etuvangan te menge Rikabnen ne migkeǥiyan ku sikandan he med-inum dan.
Megkaan ka wey med-inum ka te vinu he melipayen, su intuǥut heini te Megbevayà.
“Hendiyè ka te pemilya te menge Rikabnen, ne keǥiyi nu sikandan he medhendiyè dan te sevaha zuen te menge ruǥu te valey ku, ne ipeinum nu sikandan te vinu.”
Piru hengkey is mibeelan niw? Impeinum niw te vinu is menge Nazareo ne mibmenduen niw is menge ebpeneuven he kenè dan keǥiya is menge lalag ku.
