Jeremias 35:2 - Manobo Western Bukidnon OT

² “Hendiyè ka te pemilya te menge Rikabnen, ne keǥiyi nu sikandan he medhendiyè dan te sevaha zuen te menge ruǥu te valey ku, ne ipeinum nu sikandan te vinu.”

Jeremias 35:2 교차 참조

1 Hadì 6:10

Is menge ruǥu ziyà te pesikilizà wey egkeiniyuǥan duen te valey he pitu wey tengà he ǥiek is ketikang din, impikit haazà he menge ruǥu zutun te valey pinaaǥi te kegemita te kayu he sidru.

1 Hadì 6:8

Is gemawan te nehuna he endana ne ziyà te zivavà he vahin duen te valey. Ne zuen menge heǥezan pehendiyà te ikezuwa wey iketelu he endana.

1 Cronica 2:55

wey menge pemilya te utew memetau he edsurat te menge dukumintu he ziyà ed-ubpà te inged he Jabez he iyan is menge Tiratnen, menge Simiyatnen, wey menge Sucatnen. Iyan heini sikandan menge Kinhanen he ebpuun ki Hammat, he iyan midtukud te Bet Recab.

1 Cronica 23:28

Is ketengdanan te menge Levihanen ne iyan is ked-uǥup te menge memumuhat he menge kevuwazan ni Aaron para edterebahu zutun te valey te Nengazen. Iyan sikandan ed-etiman te lama zuen te valey te Nengazen wey te menge ruǥu ziyà te menge kilid, wey sikandan daan is ed-uǥup te menge tulumanen te kebpenlumpiyu wey te zuma pa he menge vuluhaten dutun te valey te Megbevayà.

1 Cronica 28:12

Imbeǥey ni David heini is langun he pelanu he impenurù kandin te Mulin-ulin para te kebaal te menge lama te valey te Nengazen, wey te langun he menge ruǥu he nekelingut kayi wey te menge budiga te valey te Megbevayà, ragkes en is menge budiga te menge vutang he impenhalad.

1 Cronica 9:26

Piru is heepat he pengulu he menge ebantey, he menge kevuwazan ni Levi, ne iyan dan ibpevantey zutun te seled te menge kuwartu wey te menge budiga zuen te valey te Nengazen.

1 Cronica 9:33

Is menge musikiru zutun te valey te Nengazen, menge pengulu te menge pemilya te kevuwazan ni Levi. Ne wazè en duma pa he menge vaal zan su is buluhaten dan ebeelan dan te maandew wey mezukilem.

2 Cronica 3:9

Is migamit he menge ransang mid-epizan daan te vulawan he menge tengà te kilu is keveǥat. Is menge elavat te menge ruǥu he zapit te zivavew ne mid-epizan daan te vulawan.

2 Cronica 31:11

Insuǥù ni Hezekia is kebaal te menge budiga ziyà te valey te Nengazen. Ne netuman heini.

Ezra 8:29

Pekeventayi niw heini taman te egkeuwit niw ziyà te budiga ziyà te valey te Nengazen diyà te Jerusalem he kena egketerinan, he egkeseksiyan te nengulu he menge memumuhat, menge Levihanen, wey te menge pengulu te menge pemilya te menge Israilihanen.”

Nehemias 13:5

midtuǥutan din si Tobia te kegamit te zekelà he ruǥu zuen te valey te Nengazen. Heini he ruǥu egkeǥemit he para budiga te menge pemuhat he para gasa, beyewà, menge gelemiten dutun te valey te Nengazen, menge halad te menge memumuhat, menge ikepulù he trigu, binu, wey lana, he sumalà te Kesuǥuan para haazà te menge Levihanen, menge perekanta, wey te menge vantey te menge ǥemawan te valey te Nengazen.

Jeremias 35:3

Umbe, mibeyaan ku si Jaazania (anak sikandin te egngezanan daan te Jeremias, he anak ni Habazinia) wey is langun he menge suled din wey menge anak. Iyan sikandan tivuuk he pemilya te menge Rikabnen.

Jeremias 35:4

Miduma ku sikandan diyà te valey te Nengazen, diyà te ruǥu te menge anak he maama ni Hanan he anak ni Igdalia te suluǥuen te Megbevayà. Heini he ruǥu avey te ruǥu te upisyal ne ziyà heini te zivavew te ruǥu ni Maasea he anak ni Shalum, he vantey te ǥemawan te valey te Nengazen.

Jeremias 35:8

Midtuman dey is langun he insuǥù kenami ni Jonadab. Sikami wey is menge esawa zey wey is menge anak dey wazà med-inum te vinu,

Ezekiel 40:16

Duen dezeisey he menge sulawà duen te verengbeng duen te menge ruǥu he zutun ebantey is menge vantey wey zuen te verengbeng he nekepetug-elang duen te menge ruǥu. Ne in-ukir zutun te menge verengbeng is menge palma.