Jeremias 34:21 - Manobo Western Bukidnon OT

²¹ “Ibeǥey ku si Hadì Zedekia he hadì te Juda wey is menge upisyal zin diyà te menge kuntada zan he egkesuat he edhimatey kandan, he iyan is menge sundaru te hadì te Babilonia. Minsan mid-engked dan en he edsurung keniyu,

Jeremias 34:21 교차 참조

2 Hadì 25:6

Ne mid-uwit dan sikandin diyà te hadì te Babilonia he ziyà te Ribla, he sakup te tanà he Hamat, ne zutun sikandin hukumi.

Jeremias 22:25

Ibeǥey ku sikew te edtinguhà he edhimatey kenikew he igkahandek nu. Uya, ibeǥey ku sikew ziyà te ki Hadì Nebucadnezar he hadì te Babilonia wey te menge sundaru zin.

Jeremias 32:3

Impepirisu sikandin ni Hadì Zedekia tenged te migkaǥi sikandin te, “Iyan heini migkaǥi te Nengazen: Ibeǥey ku heini he inged diyà te hadì te Babilonia, ne egkaaǥew zin heini.

Jeremias 32:4

Kenà ebpekelikey si Hadì Zedekia te gehem te menge tig-Babilonia. Su siguradu he ibeǥey ku sikandin te hadì te Babilonia ne ebpeked-etuvang wey ebpekedlalag sikandan.

Jeremias 39:6

Diyà te Ribla, midhimetayan te hadì te Babilonia is menge anak he maama ni Zedekia ziyà mismu te etuvangan ni Zedekia. Midhimetayan daan is langun he menge upisyal te Juda.

Jeremias 44:30

Ibeǥey ku si Faraon Hofra he hadì te Ehipto te menge kuntada zin he egkesuat he edhimatey kandin, iring te kebeǥaya ku ki Hadì Zedekia he hadì te Juda ziyà te kuntada zin he si Hadì Nebucadnezar he hadì te Babilonia he egkesuat he edhimatey kandin.’ ”

Jeremias 52:10

Diyà te Ribla, midhimetayan te hadì te Babilonia is menge anak he maama ni Zedekia ziyà mismu te etuvangan ni Zedekia. Midhimetayan daan is langun he menge upisyal te Juda.

Jeremias 52:8

piru midal-as sikandan te menge sundaru te Babilonia, ne nesaut dan diyà te menge suǥud diyà te Jerico. Midsuwey ki Zedekia is langun he sundaru zin,

Penhulùhulù 4:20

Nezekepan dan is hadì dey he mibpilì te Nengazen, he iyan pezem midseriǥan dey he ebpengalang kenami te kedezaat te kuntada zey he menge nasyun.

Ezekiel 17:12

“Insai nu heini is mesinupaken he menge etew te Israel ke netuenan dan be is kehuluǥan duen te sempità. Keǥiyi nu sikandan te iyan heini kehuluǥan din: Midhendiyà is hadì te Babilonia te Jerusalem ne mibihag din is hadì kayi wey menge upisyal, ne miduma zin diyà te Babilonia.

Ezekiel 17:16

Kenà! Su siak, is uuyag he Nengazen he MEGBEVAYÀ, nenangdù a he heini is hadì te Juda, siguradu he ebpatey ziyà te Babilonia, su midrapas din is uyun he mibpenengduan din diyà te hadì te Babilonia he iyan ingkehimuwa kandin he hadì.

Ezekiel 17:20

Edhingutelen ku sikandin ne ed-uwiten ku ziyà te Babilonia, ne zutun edsilutan ku sikandin tenged te kedluib din kedì.