Jeremias 34:18 - Manobo Western Bukidnon OT

^18-19 Is menge upisyal ziyà te Juda wey Jerusalem, wey is menge upisyal ziyà te turuǥan, ragkes is menge memumuhat wey zuma pa he menge meǥinged, nekid-uyun kediey pinaaǥi te kebaas te nati he vaka he imped-atbang is kedsevuka zuen, ne mibayà sikandan diyà te pid-elangan kayi. Piru wazè dan tumana haazà is kebpekid-uyun dan kedì. Umbe ebeelan ku zaan diyà te kandan is mibeelan dan duen te nati he vaka.

Jeremias 34:18 교차 참조

Genesis 15:10

Ne mid-uwit ni Abram haazà diyà te Nengazen , ne mibpemaas heini ni Abram ne imped-atbang din is kedsevuka zin dutun te kada vaas. Iyan dà wazè din baasa sikan is merepatik wey limuken.

Genesis 15:8

Ne zutun migkaǥi si Abram te, “He Nengazen he Megbevayà, hengkey is tuus wey ku metueni he egkaangken ku heini?”

Salmo 50:1

Is Nengazen he iyan kes mekeǥeǥehem he Megbevayà, ebpekidlalag wey ebpengumew te menge etew kayi te tivuuk he kelibutan.

Hoseas 6:7

Iring ki Adan, wazè niw itetepi-an is paaǥi ku te kebpekid-uyun keniyu. Midluivan a keniyu keniyan te lugar niw.

Hoseas 8:1

“Ipezaǥing niw is budyung su wey mekepengandam is menge etew ku su is Israel he mid-isip ku he ubpeey ku, edsurungen te menge kuntada he iring keǥaan te menderaǥit. Su wazè dan itetepi-an is paaǥi ku te kebpekid-uyun kandan wey midrapas dan is kesuǥuan ku.

Deuteronomio 17:2

“Penenglitan duen sevaha he maama etawa vahi he meǥinged diyà te sevaha zuen te menge inged he ibeǥey keniyu te Nengazen he Megbevayè niw he nezekepan he mibaal te vaal he mezaat is ked-isip duen te Nengazen he Megbevayè niw. Su midsupak din is paaǥi te Nengazen te kebpekid-uyun keniyu

Josue 7:11

Nekesalà is Israel; midrapas dan is kebpekid-uyun ku. Migkuwa zan te menge vutang he impurung en ipemuhat kayi te kedì. Midtakew zan heini, midtarùtarù dan bahin kayi, ne intampu zan heini te menge azen dan.