Jeremias 34:15 - Manobo Western Bukidnon OT

¹⁵ Diyà te nenlavey he menge andew neisip-isip niw he kenà haazà hustu, ne mibeelan niw is hustu ziyà te etuvangan ku. Pudu kew mibpezumazuma he ebeǥayan niw te vayàbayà is menge uripen niw he zuma niw he Hebriyuhanen. Nekid-uyun kew pa man ganì kediey mehitenged kayi ziyà te valey ku he mibpili ku he zutun a ebeǥayi te zengeg.

Jeremias 34:15 교차 참조

2 Hadì 12:2

Metazeng is baal zin diyà te etuvangan te Nengazen seled te tivuuk he untung din, su mibpenurù sikandin ni Jehoyada he memumuhat.

2 Hadì 14:3

Meupiya is ulaula ni Amazia ziyà te etuvangan te Nengazen, piru kenà iring te mibeelan ni David he kepuun din. Kekenà, mid-iringan din is amey zin he si Joash.

2 Hadì 23:3

Ne midhitendeg si Josia diyà te kilid te tukud he hitindeǥà te menge hadì. Ne nenangdù sikandin diyà te etuvangan te Nengazen he edsunud sikandin te Nengazen pinaaǥi te kedtuman te menge suǥù din, menge penurù, wey menge sulunuzen, te kedtuman he ebpuun diyà te tivuuk he gehinawa zin wey kedsavut din. Pinaaǥi kayi egketuman is ibpetuman diyà te paaǥi te kebpekid-uyun te Megbevayà he ingkesurat duen te libru. Ne midsaad daan is menge etew he edtumanen dan is paaǥi te kebpekid-uyun te Megbevayà.

Nehemias 10:29

nesevaha key te kebpenangdù duma te menge pengulu zey he edtumanen dey is Kesuǥuan he imbeǥey te Megbevayà pinaaǥi te suluǥuen din he si Moises. Nenangdù key zaan he edewaten dey is rawak te Megbevayà emun kenè dey egketuman is insaad dey he ed-ikulen dey is langun he menge suǥù wey menge sulunuzen he imbeǥey te Nengazen he Megbevayè dey.

Salmo 119:106

Edtumanen ku iyan is penangdù ku he edsunud a te metazeng he menge suǥù nu.

Salmo 76:11

Pesarig kew ziyà te Nengazen he Megbevayè niw ne tumana niw heini. Ipeuwit niw is menge meǥinged te kesikbit niw he menge nasyun te menge gasa ziyà te telehuzen he Megbevayà.

Isaias 58:2

Andew-andew is kedangep dan kayi te kediey, henduen be te egkesuat dan he metueni zan is menge paaǥi ku. Emun ed-ahaan, henduen be te metazeng sikandan he menge etew, ne henduen be te wazè dan iselikwey is menge suǥù ku. Ibpeehè dan he henduen te egkesuat dan he ed-uvey kayi te kediey is ebuyù te metazeng he kukuman.

Jeremias 32:34

Diyà te valey ku he mibpilì ku he zutun a ebeǥayi te zengeg, ne midremerikan dan heini pinaaǥi te kedsevuki zan te utew mezaat he menge ed-ezapen.

Jeremias 34:8

Duen pa migkaǥi te Nengazen diyà te ki Jeremias hein timpu te kebpekid-uyun ni Hadì Zedekia te langun he menge etew ziyà te Jerusalem he ibpeengkezan din en te ed-uripen is menge uripen.

Leviticus 25:10

Pekeveǥata niw is ike-50 he tuig, su timpu heini te kebeǥey te vayàbayà diyà te menge uripen su wey zan mekelikù en diyà te pemilya zan wey te ked-ulì diyà te teǥiǥaked te menge azen he ingkevelegyè din.