Jeremias 33:7 - Manobo Western Bukidnon OT

⁷ Ibpelikù ku is menge tig-Israel wey menge tig-Juda ziyà te tanè dan, ne ed-umanan ku ebenguna is menge inged dan iring te nehuna he timpu.

Jeremias 33:7 교차 참조

Salmo 126:1

Hein impeuman ipeuswag te Nengazen is Zion, henduen be te teǥeinep dà heini.

Salmo 126:4

Nengazen, ilikù nu is meupiya he kebpekesavuk dey iring te nemezahan he wahig he newehiǥan en maan.

Salmo 14:7

Deyzey ke ebpekeume en is edlibri te Israel he ebpuun diyà te Zion. Utew ebmelipayen is menge tig-Israel he menge etew te Nengazen, emun idlikù din en is meupiya he kebpekesavuk dan.

Salmo 85:1

Nengazen, impeehè nu is keupiya nu pinaaǥi te kebpekeveǥey te keupiyaanan te tanè nu he Israel; impeuswag key en maan kenikew.

Isaias 1:26

Ed-umanan ku sikiyu ebeǥayi te menge pengulu wey menge sumesambag iring duen te nehuna. Ne ziyà te huziyan he timpu egkengezanan is inged niw te inged te menge metazeng wey menge metinumanen he menge etew.”

Isaias 52:8

Ebpengulahì tenged te kegkelipey is menge vantey te inged su egkeehè dan is kedlikù te Nengazen diyà te Jerusalem.

Jeremias 23:3

Iyan a mismu edtiǥum te nesamà he menge etew ku puun diyà te nekedseselekawà he menge lugar he zutun ku sikandan ipeyapat, ne idlikù ku sikandan diyà te tanè dan, ne zutun ebmahabet sikandan utew.

Jeremias 24:6

Ebentayan ku sikandan wey ed-eturen ku, ne idlikù ku sikandan kayi he tanà. Ibpeuswag ku sikandan ne kenè ku en edezeetan. Edlig-enan ku sikandan ne kenè ku ebpilayen.

Jeremias 29:14

Uya, edtevangan ku sikiyu, ne idlikù ku ziyà te keniyu is ketiǥeyunan niw. Edtiǥumen ku sikiyu puun te nekedseselekawà he menge nasyun he zutun ku sikiyu ipeyapat, ne idlikù kew ziyà te keugelingen niw he lugar. Iyan a, is Nengazen, is migkaǥi kayi.

Jeremias 30:18

Migkaǥi pa is Nengazen te, “Idlikù ku is menge ketiǥeyunan diyà te menge inged te menge kevuwazan ni Jacob, ne egkehizuwan ku sikandan. Ed-umanan dan ebenguna is inged wey is turuǥan diyè mismu te lugar he zutun dan heini tukuza hein aney.

Jeremias 30:20

Is menge anak dan ed-uswag iring dengan. Edlig-enan ku sikandan diyà te etuvangan ku, ne edsilutan ku is minsan hentei he edrasey kandan.

Jeremias 30:3

Su egkeuma is timpu he ibpeuli ku is nengevihag he menge etew ku he menge tig-Israel wey menge tig-Juda ziyà te tanè dan. Uya, ibpeuli ku sikandan diyà te tanà he imbeǥey ku ziyè te menge kepuun dan wey zan meengken. Iyan a, is Nengazen, is migkaǥi kayi.”

Jeremias 31:28

Dengan midezeetan ku, mibengkag ku, wey midaag ku sikandan. Piru ziyà te huziyan he timpu edtukuzen ku wey ibpeuman ku ibpehitindeg sikandan.

Jeremias 31:38

Mibpedayun megkaǥi is Nengazen te, “Egkeuma is timpu he ed-umanan ebenguna is Jerusalem puun te Turi ni Hananel pehendiyà te Pultahan diyà te Suyuk.

Jeremias 31:4

Ibpeuman ku sikiyu ibpehitindeg is menge tig-Israel he iring te vahi he wazè pa mehileveti. Ne ebpekesayew kew tenged te kegkelipey te ebpezumahan te tukar te menge tamburin niw.

Jeremias 32:44

“Uya, egkehitavù ded is kebeyazi te menge etew te pelata te menge vevesukà. Ebaal sikandan te kesebutan. Ebpirmahan, edtetakan is menge pepilis, ne edtistiǥusan. Egkeulaula heini ziyà te menge tanà ni Benjamin, wey ziyà te zezeisey he menge inged he nekeliǥuy te Jerusalem, malù dezekelà he menge inged diyà te Juda, wey te menge inged diyà te menge vuvungan, diyà te inged te menge mibuntud-buntud diyà te edsenlepan, wey ziyà te inged he Negev. Ibpelikù ku is menge etew ku wey ibpeuswag ku sikandan ibpeuman. Iyan a, is Nengazen, is migkaǥi kayi.”

Jeremias 33:11

is kedlipey wey keguǥusà. Egkezineg is kebpeeyuwà te beuǥu, wey is kedlipey te ebpemen-uwit te menge pemuhat diyà te valey te Nengazen he para te kebpeselamat. Egkaǥi zan te, ‘Ebpeselamat kiw te Nengazen he Mekeǥeǥehem, su meupiya sikandin. Wazà pidtemanan te ǥaǥew zin.’ Edlipey is menge etew su idlikù ku is meupiya he kebpekesavuk dan kayi he tanà iring te kebpekesavuk dan dengan. Iyan a, is Nengazen, is migkaǥi kayi.”

Jeremias 33:26

kenà daan egkahalin is kebpekid-uyun ku te menge kevuwazan ni Jacob wey ki David he suluǥuen ku. Ebpilì a puun diyà te menge kevuwazan ni David te edhadì te menge kevuwazan ni Abraham, ki Isaac, wey ki Jacob. Egkehizuwan ku is menge etew ku ne idlikù ku sikandan diyà te tanè dan wey ziyà te meupiya he kebpekesavuk dan.”

Jeremias 42:10

Emun kenè kew ed-awà kayi he tanà ed-enawen ku sikiyu wey edlig-enan, ne kenè ku sikiyu edezeetan. Su ingkeseeng ku is kezeetan he impeseǥazan ku keniyu.

Jeremias 50:4

“Dutun he timpu is menge etew ziyà te Israel wey Juda edsineǥew is edangep kayi te kedì, te Nengazen he Megbevayè dan.

Penhulùhulù 4:22

Sikiyu is menge meǥinged diyà te Zion, egketapus en is kedsiluti keniyu. Hapit kew en ibpeulì te Nengazen puun te kegkevihag. Piru sikiyu is menge etew ziyà te Edom edsilutan kew te Nengazen tenged te menge salè niw ne ibpahayag din is kelelalung niw.

Ezekiel 39:25

Mibpedayun pa megkaǥi is Nengazen he MEGBEVAYÀ te, “Piru ekgehizuwan ku en is menge Israilihanen, he menge kevuwazan ni Jacob, ne ibpeuman ku sikandan ibpeuswag, su wey meveǥayi te zengeg is waǥas he ngazan ku.

Hoseas 2:15

Ne ked-awè dey zutun ne idlikù ku ziyà te kandin is menge pemuleey zin te paras, ne edhimuwen ku is Suǥud he Acor he veyeey he ebpetanudtanud te meupiya he egkeperateng. Edtevaken e zin iring te mibeelan din hein betan-en pa sikandin dutun te kebpuun din diyà te Ehipto.”

Zefanias 3:20

Uya, edtiǥumen ku sikiyu zutun he timpu, ne ibpeulì ku sikiyu ziyà te tanè niw. Ebeǥayan ku sikiyu te zengeg wey edhimuwen ku he mevantug kew kayi te tivuuk he kelibutan. Egkeulaula heini zutun te timpu te kebpelikua ku te meupiya he kebpekesavuk niw, ne egkeehè niw mismu. Iyan, a is Nengazen, is migkaǥi kayi.’ ”

Zacarias 1:17

Migkaǥi sikan is belinsuǥuen he tudtula ku zaan heini is migkaǥi te Nengazen he Mekeǥeǥehem: “Ed-uman ed-uswag is menge inged ku ziyà te Juda. Ne ed-umanan ku edlipaya is menge tig-Zion, he iyan is menge tig-Jerusalem, ne ed-umanan ku egkilelaa heini he pinilì ku he inged.”