43 Duen egkagi he heini is tana utew en mekevulungbulung wey wazà duen ed-ubpà he etew etawa langgam, su imbeǥey ku en heini te menge tig-Babilonia. Piru minsan pa zutun, keuzemà duen ebpememasa te menge vevesukà kayi te tanà.
Piru minsan pa te iyan heini, Nengazen he MEGBEVAYÀ, midsuǥù a kenikew te kebpemasa te vevesukà he ebeyazan heini te pelata ziyà te etuvangan te menge tistiǥus, Minsan pa te hapit en egkaaǥew te menge tig-Babilonia heini is inged.”
“Jeremias, tutuu is migkaǥi nu he pinaaǥi te tebek, bitil, wey zaru egkezizalem heini he inged te ǥehem te hadì te Babilonia. Piru ǥuntaan siak, is Nengazen he Megbevayà te Israel, egkaǥi a te,
Mibpedayun megkaǥi is Nengazen te, “Migkaǥi kew te mekevulungbulung wey wazà menge etew wey menge langgam diyà te Juda wey Jerusalem. Piru ziyà te huziyan he timpu egkezineg en maan kayi he lugar
Migkaǥi pa is Nengazen he Mekeǥeǥehem te, “Kayi te mekevulungbulung he tanà guntaan, ne wazè en duen menge etew wey menge langgam, iyan diyà te huziyan he timpu duen en maan menge penebtavà diyà te langun he menge inged kayi he zutun ed-uwita te menge vantey te menge kerehidu is menge kerehidu zan.
Ebpekeubpè dan dutun he melinawen. Ebangun sikandan te menge valey wey ebpemula te menge paras. Wazè en edsamuk kandan emun edsilutan ku en is menge etew ziyà te langun he menge avey zan he nasyun he mid-undaunda kandan. Ne egketuenan dan he iyan a Nengazen he Megbevayè dan.”
