Jeremias 32:39 - Manobo Western Bukidnon OT

³⁹ Edhimuwen he mesevaha is ketuyuan dan te kebpengungubpaan, su wey zan layun medtahud kediey, ne para heini te keupiyaanan dan wey keupiyaanan te menge kevuwazan dan.

Jeremias 32:39 교차 참조

Genesis 17:7

Edtumanen ku is kebpekid-uyun ku kenikew wey te menge kevuwazan nu te peleebuten he lapis te kevuwazan, ne pedayun a he Megbevayè niw. Heini he kebpekid-uyun ku ne taman te taman.

Genesis 18:19

Mibpilì ku si Abraham su wey zin ikepenurù diyà te menge anak din wey menge kevuwazan din he med-ikul zan te ibayè ku te Nengazen pinaaǥi te ked-ul-ulaha zan te metazeng wey hustu. Pinaaǥi kayi, egketuman is menge pesarig ku kandin.”

Genesis 22:12

Ne migkaǥi is belinsuǥuen te, “Isavuk nu zà heeyan is ubpit! Kenè nu pelii is batà te minsan deisek dà! Netuenan ku en he iyan a is Megbevayà, utew lavew he ebmahalen nu su minsan is anak nu he utew nu minahal, wazè nu isipa he kenè nu ibeǥey kediey.”

2 Cronica 30:12

Midhimu zaan te Megbevayà is menge tig-Juda he mesevaha sikandan te kedtuman te mandù te hadì wey te menge upisyal, sumalà is insuǥù te Nengazen.

Salmo 112:1

Deliǥa is Nengazen! Utew zeyzey is etew he edtahud te Nengazen, wey igkelipey zin is kedtuman te menge suǥù din.

Salmo 128:6

Wey verakat he meehè niw pa is menge apù niw. Berakat he meupiya is kebpekesavuk te menge etew kayi te Israel.

Salmo 86:11

Penurua a Nengazen te paaǥi nu, ne edtumanen ku heini te kenà duwazuwa. Tevangi a he mehimu he utew hustu is kedtehuza ku kenikew.

Erubasa 23:17

Kinahanglan he kenè ka egkesina te menge mekesesalà, kekenà, tehuza nu layun is Nengazen.

Isaias 35:8

Ebeelan dutun te disirtu is meluag he kersada, ne egngezanan heini te “Segradu he Zalan.” Wazà mekesesalà wey tulebung he ebpekeikul zutun. Su para zà haazà te menge etew he edsunud te menge paaǥi te Megbevayà.

Isaias 52:8

Ebpengulahì tenged te kegkelipey is menge vantey te inged su egkeehè dan is kedlikù te Nengazen diyà te Jerusalem.

Isaias 65:23

Kenè dan en edhaǥù te wazè din pulus, wey kenè dan en ed-anak te mezaat is egkepengkusan din. Su sikandan he menge etew wey is menge kevuwazan dan, ne edtuvazan ku.

Jeremias 24:7

Idsavuk ku ziyà te ǥehinawa zan is tinguhà te kegkilala kediey te Nengazen dan. Egkehimu sikandan he menge etew ku ne egkehimu a he Megbevayè dan, su edlikù sikandan kayi te kediey te kedlikù he ebpuun diyà te gehinawa zan.

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.

Jeremias 32:40

Ebpekid-uyun a kandan te wazà pidtemanan, idsaad ku kandan he layun a ebaal te meupiya ziyà te kandan. Ebeǥayan ku sikandan te tinguhà te kedtahud kediey, su wey zan kenà med-awà kayi te kedì.

Jeremias 6:16

Ne heini pa is migkaǥi te Nengazen: “Hitindeg kew ziyà te lembaǥan te menge zalan ne purung kew pekisusi. Insè kew ke hendei is kezaan wey meupiya he zalan he meupiya he ed-ikulen, ne zutun kew ikul. Emun ed-ul-ulahan niw heini ne ebpekaangken kew te kelinew. Piru migkaǥi kew te, ‘Kenè key mulà keniyan ed-ikul.’

Ezekiel 36:26

Ebeǥayan ku sikiyu te veǥu he ǥehinawa wey beǥu he mulin-ulin. Is mesinupaken he ǥehinawa niw edhimuwen ku he metinumanen he ǥehinawa.

Ezekiel 37:22

Ne edhimuwen ku zà sikandan he sevaha he nasyun diyà te tanà he Israel. Sevaha zà he hadì is edhadì kandan, ne kenè dan en egkeuman egkevahin diyà te zezuwa he nasyun etawa dezuwa he ginhedian.

Ezekiel 37:24

Edhedian sikandan te kevuwazan te suluǥuen ku he si David, ne sevaha zà is ed-elima kandan. Ebpurungan dan edsunuza is menge suǥù ku wey menge sulunuzen.

Ezekiel 37:25

Ed-ubpè dan diyà te tanà he imbeǥey ku te suluǥuen ku he si Jacob, he iyan kes tanà he mid-ubpaan te menge kepuun dan. Dutun dan wey is menge kevuwazan dan ebpekeubpà taman te taman, ne edhedian sikandan te kevuwazan te suluǥuen ku he si David te wazà pidtemanan.

Deuteronomio 5:29

Ne zeyzey ke layun dan edtahud kedì wey edtumanen dan is menge suǥù ku su para mebmeupiya is kebpekesavuk dan wey te menge kevuwazan dan te taman te taman.

Deuteronomio 6:2

su wey sikiyu wey is menge anak niw wey is menge apù niw, medtahud te Nengazen he Megbevayè niw zutun te kebpengungubpaan niw. Emun edtumanen niw is langun he menge suǥù din wey is menge sulunuzen he imbeǥey ku keniyu, ne edluǥeyazan kew te untung.

Deuteronomio 6:24

Midsuǥù key te Nengazen he tumana zey heini is langun he menge sulunuzen wey tehuza zey sikandin is Megbevayè tew, para layun key med-uswag wey para luǥeyazi key te untung iring kayi te neula-ule en guntaan.