Jeremias 32:19 - Manobo Western Bukidnon OT

¹⁹ Utew meupiya is menge pelanu nu wey egkein-inuwan is menge vaal nu. Egkeehè nu is langun he ebeelan te menge etew, ne ebelesan nu sikandan sumalà te vetasan dan wey menge vaal zan.

Jeremias 32:19 교차 참조

1 Hadì 8:32

pemineǥa nu heini ziyan te langit wey hukumi nu is menge suluǥuen nu–is edsumbung wey is idsumbung. Siluti nu is nekesalà sumalà te neveelan din, ne libriya nu is wazà salà para metueni he wazà sikandin mekesalà.

2 Cronica 16:9

Su is Nengazen, ne neehè din is tivuuk he menusiyà ne edlig-enan din is menge etew he edsunud kandin. Kelelalung is mibeelan nu! Umbe puun guntaan ne layun ke en ebpekepekidtebek.”

Job 34:11

Ebelesan din is etew sumalà te vineelan din; edhimuwen din diyà te kandin is sungkad te vetasan te etew.

Job 34:21

Ebpekeventayan te Megbevayà is langun he ebeelan te etew.

Salmo 111:2

Mekeǥeǥehem is menge vaal te Nengazen; egngunngunuen heini is langun te menge egkesuat kayi.

Salmo 34:15

Ebentayan te Nengazen is menge metazeng, ne ebpemineǥen din is menge pengemuyù dan.

Salmo 62:12

Kenà duwazuwa he ebelesan te Nengazen is menge etew sumalà is mibeelan dan.

Salmo 92:6

Kenà egkesavut te menge tulebung wey menge taleng

Exodus 15:11

Wazà ed-ezapen te menge etew he ebpekerepeng kenikew, Nengazen. Wazà ebpekerepeng kenikew te kegkewaǥas nu wey kegkemekeǥeǥehem. Iyan ke zà Megbevayà he mibaal te egkein-inuwan he menge vaal!

Erubasa 5:21

Su egkaahà te Nengazen is langun he menge vaal nu. Ne minsan hendei ka ebpevayà ne egkeehè ke zin.

Erubasa 8:14

Metau a he edsambag, duen ku hustu he ketau. Duen ku meupiya he kedsavut wey ǥehem.

Megwewali 12:14

Su edhukuman kiw te Megbevayà pinaaǥi te langun he menge vaal tew, meupiya etawa mezaat, ragkes en is meeles is ked-ul-ulaha tew zuen.

Isaias 28:29

Heini he ketau ebpuun diyà te Nengazen he Mekeǥeǥehem. Utew meupiya is sambag din wey utew egkein-inuwi is ketau zin.

Isaias 40:13

Hentei is nesayud te isip te Nengazen etawa ebpekepenurù kandin ke hengkey is ereg he ebeelan din?

Isaias 59:18

Ebelesan din is menge kuntada zin sumalà te menge vaal zan; minsan is diyà te meziyù. Egkeǥezaman dan is rerangit din.

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Jeremias 16:17

Neehè ku is langun he menge vaal zan. Wazà nekeeles kayi te kediey. Neehè ku is menge salè dan.

Jeremias 17:10

Iyan a, is Nengazen, netau a te gehinawa wey isip te etew. Ebelesan ku is etew sumalà te vetasan din wey menge ulaula zin.

Jeremias 21:14

Piru edsilutan ku sikiyu ǥihapun te sungkad te menge vaal niw. Ebinsulan ku is turuǥan te hadì niw ne egkevinsulan is langun diyà te peliǥuy kayi. Iyan a, is Nengazen, is migkaǥi kayi.”

Jeremias 23:24

Wazà etew he ebpekeeles diyà te meeles he lugar he kenè ku egkaahà. Wazè niw ve metueni he ziyà a te minsan hendei ziyà te langit wey ziyà te tanà? Iyan a, is Nengazen, is migkaǥi kayi.

Jeremias 25:14

Egkeuripen sikandan te mahabet he menge nasyun wey te mekeǥeǥehem he menge hadì. Edsilutan ku sikandan te sungkad te menge vaal zan.”

Daniel 2:45

Iring duen te neehè nu he vatu he midtipak puun te vuntud (piru kenà etew is midtipak duen) he nekevekbek duen te ledawan he putew, brunsi, brik, pelata, wey vulawan. “Mahal he Hadì, mibpezayag is mekeǥeǥehem he Megbevayà diyà te kenikew ke hengkey is huziyan he egkehitavù. Ne iyan heeyan kes teǥeinep nu wey kehuluǥan din. Ne tutuu heini is langun he migkaǥi ku.”

Daniel 4:35

Kenè en ebpekesusuluwan is menge etew kayi te kelibutan emun idhindeg kandin. Ebeelan din is egkesuatan din diyà te menge velinsuǥuen diyà te langit wey ziyà te menge etew kayi te tanà. Wazà ebpekeeǥen wey ebpekevelavag kandin.’

Zacarias 9:1

Iyan heini menge lalag te Nengazen: Migkaǥi is Nengazen he edsilutan din is menge inged he Hadrac wey Damascus, su kinahanglan he edtengteng wey edangep diyà te Nengazen is langun he menge etew lavew en is menge tribu te Israel.