Biblia Todo Logo
온라인 성경

- 광고 -




Jeremias 31:8 - Manobo Western Bukidnon OT

8 Pemineg kew! Iyan a mismu egkuwa wey edtiǥum kandan puun te zizaya wey ziyà te minsan hendei he vahin te kelibutan. Ragkes en he ebpekezuma kandan, is menge lakap wey menge pigket. Iring din daan is menge meǥingey wey umaanak. Utew mahabet is ebpemen-ulì.

장을 참조하십시오 복사




Jeremias 31:8
29 교차 참조  

Su midtigum kew zin puun te menge tanà diyà te edsilaan, edsenlepan, dizaya, wey zivavà.


He Megbevayà he menluluwas dey, edtevaken key kenikew pinaaǥi te egkein-inuwan he menge vaal he mibeelan nu te kedlibriya nu kenami. Iyan ka ebpekeveǥey te keupiyaanan te menge etew kayi te tivuuk he kelibutan.


Wazè din melipati is insaad din he ebmahalen kiw zin wey ebpekid-uunungen sikandin kenitew te menge tig-Israel. Naahà te langun he menge etew ziyà te minsan hendei he vahin kayi te kelibutan ke mibmenumenu te Megbevayè tew is kedhimuwa zin he mekezaag kiw.


Ed-etimanen din is menge etew zin iring te ked-etiman te ebantey te menge kerehidu: Edsepipiyen din is dezeisey pa he menge kerehidu ne meelima sikandin he egiya zuen te menge telenati.


Ed-eǥaken ku is lakap he menge etew ku pehendiyà te ketutuanan, diyà te zalan he wazè dan pa zuen hanew wey wazè dan pa meikul. Is kerusireman diyà te veyeey zan edhimuwen ku he kerayag, ne ebpetaǥen ku is menge ebpemukbuketur he menge lugar ziyà te edhipenawan dan. Ebeelan ku heini, ne kenè ku sikandan idselikwey.


Egkaǥi a ziyà te menge nasyun he ziyà te zizaya wey zivavà te vey-ani zan en is menge kevuwazan nu he edlikù diyà te tanè dan, ne ibpeulì en sikandan puun te meziyù he menge lugar.


“Sikiyu is langun he menge etew kayi te tivuuk he kelibutan, dangep kew kayi te kediey su wey kew melibri, su iyan a Megbevayà, ne wazè en duma.


Ibpaahà te Nengazen is nekeviza he ǥehem din diyà te langun he menge nasyun, ne egkaahà kayi te tivuuk he kelibutan is kedlibriya kenitew te Megbevayè tew.


Kekenà, egkaǥi zan te, ‘Ebpenangdù a pinaaǥi te uuyag he Nengazen he mibpeǥawas te menge Israilihanen diyà te menge nasyun diyà te zizaya wey ziyà te langun he menge lugar he zutun din sikandan ipeyapat.’ Su idlikù ku sikandan diyà te tanà he imbeǥey ku ziyà te menge kepuun dan.


Iyan a mismu edtiǥum te nesamà he menge etew ku puun diyà te nekedseselekawà he menge lugar he zutun ku sikandan ipeyapat, ne idlikù ku sikandan diyà te tanè dan, ne zutun ebmahabet sikandan utew.


Kekenà, egkaǥi sikandan te, ‘Ebpenangdù a pinaaǥi te uuyag he Nengazen he mibpeǥawas te menge Israilihanen puun te nasyun diyà te zizaya wey ziyà te langun he nasyun he zutun din sikandan ipeyapat.’ Ne zutun ed-ubpà sikandan diyà te keugelingen dan he tanà.”


Uya, edtevangan ku sikiyu, ne idlikù ku ziyà te keniyu is ketiǥeyunan niw. Edtiǥumen ku sikiyu puun te nekedseselekawà he menge nasyun he zutun ku sikiyu ipeyapat, ne idlikù kew ziyà te keugelingen niw he lugar. Iyan a, is Nengazen, is migkaǥi kayi.


Ne ǥuntaan, genat ka, ne keǥiya nu heini he lalag diyà te Israel: Iyan a is Nengazen, migkaǥi a te: Likù ka kayi te kedì, sikew is kenà metinumanen he Israel, su hihizuwen a. Kenè ku en sikew egkepeukan.


Dutun he timpu, is menge tig-Juda wey menge tig-Israel ebpezumahà te ked-ulì is ebpuun te kegkevihaǥa kandan diyà te zizaya; diyà sikandan ebpevayà te tanà he imbeǥey ku te menge kepuun dan para egkepengevilin dan.


Uya, tenged te zekelà he gehem ku wey pauk ku, id-awè ku sikiyu ziyà te nekedseselekawà he menge nasyun he zutun kew mekepeyapat,


Emun egkekuwa ku en sikiyu puun diyà te nekedseselekawà menge nasyun he zutun kew mekepeyapat, edewaten ku sikiyu he iring te pemuhat he veyewà he mehemut. Pinaaǥi kayi te ebeelan ku ziyà te keniyu igkepeehè ku ziyà te keniyu is kegkewaǥas ku egkaahà heini te menge zuma he nasyun.


Iring te ebpen-ahaan te pereelima is menge kerehidu zin he ebpekedsusuwey, ebpen-ahaan ku zaan is menge kerehidu ku. Edlibriyen ku sikandan puun te langun he menge lugar he zutun sikandan mekedsusuwey hein timpu te kesamuk.


Egkuwaan ku sikandan puun te nekedseselekawà he menge nasyun, ne ed-uwiten ku ziyà te keugelingen dan he tanà. Ibpepenabtab ku sikandan diyà te menge vuvungan te Israel, diyà te kilid te menge wahig, wey ziyà te langun he lugar he ed-ubpaan te menge etew.


Ebpen-ahaan ku sikan is nengetazin wey nengetazintazin. Ebukusan ku is menge pelien wey edlig-enan ku is memeluya. Piru edèdeetan ku is memelambù wey memeupiya is kedlelawa. Ebeelan ku ziyà te kandan ke hengkey is hustu he kukuman.


Migkaǥi is Nengazen te, “Keuzemà te huziyan he menge andew, edtiǥumen ku is menge etew ku he midsilutan ku, he iring te menge kerehidu he nengepiangan wey nekepeyapat. Edhimuwen ku he mekeǥeǥehem he nasyun is nesamà kandan. Ne edhedian ku sikandan diyà te Buvungan he Zion puun dutun he timpu ne taman en taman.


Dutun he andew, edsilutan ku is langun he midlisedlised keniyu. Edlibriyen wey edtiǥumen ku sikiyu is iring te menge kerehidu he nengepiangan wey nekedsusuwey. Mibpeel-elezan kew zengan, piru ebeǥayan ku sikiyu te zengeg wey edhimuwen ku he mevantug kew kayi te tivuuk he kelibutan.


Migkeǥiyan te Nengazen is menge Israilihanen te, “Impeyapat ku sikiyu ziyà te minsan hendei he vahin te kelibutan. Piru ǥuntaan pemelaǥuy kew, ragkes kew en is mibihag pehendiyà te Babilonia, ne likù kew ziyà te Jerusalem.”


Minsan diyè kew zin pa segseǥa te kinemeziyuan he parti te kelibutan, edtiǥumen kew ǥihapun te Nengazen he Megbevayè niw.


우리를 팔로우하세요:

광고


광고