Jeremias 31:7 - Manobo Western Bukidnon OT

⁷ Migkaǥi pa is Nengazen te, “Kanta kew wey ugyab kew tenged te kegkelipey para te Israel he iyan lavew te langun he menge nasyun. Dalig kew wey ihabet niw ivensag is, ‘Nengazen, libriya nu is menge etew nu he nengesamà he uuyag he menge Israilihanen.’

Jeremias 31:7 교차 참조

Salmo 106:47

Libriya key, Nengazen he Megbevayè dey, ne kuwaa key puun te zuma he menge nasyun. Ne umana key tiǥuma ziyà te tanè dey, su para mekepeselamat key wey mekezalig key te kegkewaǥas nu.

Salmo 126:2

Nemen-engit kiw wey migkanta kiw te kegkelipey. Ne zutun migkaǥi is menge etew ziyà te zuma he menge nasyun te, “Mibaal is Nengazen diyà te kandan te menge vaal he nezumahan te zekelà he ǥehem.”

Salmo 14:7

Deyzey ke ebpekeume en is edlibri te Israel he ebpuun diyà te Zion. Utew ebmelipayen is menge tig-Israel he menge etew te Nengazen, emun idlikù din en is meupiya he kebpekesavuk dan.

Salmo 28:9

Libriya nu wey tuvazi nu is menge etew he ǥaked nu. Bentayi nu sikandan he iring te ed-elima te kerehidu; etimana nu sikandan te wazà pidtemanan.

Salmo 67:1

He Megbevayà, kehizuwi key wey tuvazi key. Ipeehè nu kenami is keupiya nu,

Salmo 69:35

Su edlibriyen te Megbevayà is Jerusalem, ne ed-umanan din ebenguna is menge inged diyà te Juda. Dutun ed-ubpà is menge etew zin ne iyan dan ebpekaangken keniyan he tanà.

Isaias 1:9

Emun wazà uuyag he midsamà kenitew te Nengazen he Mekeǥeǥehem, ne egkeiring kiw en te Sodom wey Gomora.

Isaias 11:11

Dutun daan he timpu, ed-umanan egemita te Nengazen is gehem din te kebpeulì te nesamà he menge etew zin diyà te Asiria, Ehipto, Patros, Etiopia, Elam. Babilonia, Hamat, wey is diyà te menge pulu.

Isaias 37:31

Ne ziyà te Juda, sikiyu is nengesamà he uuyag ed-uswag kew iring te pinemula he mibpurung mebpendalid ne ebpemeǥas.

Isaias 37:4

Midsuǥù te hadì te Asiria is peremandar te menge sundaru zin te ked-undaunda te uuyag he Megbevayà. Kela ke seǥipaa te Nengazen he Megbevayè nu is mibpengaǥi zuen te peremandar te menge sundaru ne edsilutan sikandin tenged dutun, umbe pengemuyù ka para kenitew te nengesamà.”

Isaias 44:23

Megkanta tenged te kegkelipey, is langit! Habet ka pengulahì, is kelibutan! Kanta kew is menge vuvungan wey menge kayu ziyà te ketelunan, su ebeelan heini te Nengazen. Edlibriyen din is menge kevuwazan ni Jacob; ibpeehè din diyà te Israel is kegkemekeǥeǥehem din.

Isaias 52:8

Ebpengulahì tenged te kegkelipey is menge vantey te inged su egkeehè dan is kedlikù te Nengazen diyà te Jerusalem.

Isaias 61:9

Is menge kevuwazan dan egkilelaan diyà te menge nasyun. Is langun he ebpekaahà kandan egkilala he iyan sikandan menge etew he edtuvazan ku.”

Jeremias 20:13

Egkanta kiw wey edalig te Nengazen! Su midlibri zin is menge egkengaayu-ayu puun te ǥehem te menge etew he lalung.

Jeremias 23:3

Iyan a mismu edtiǥum te nesamà he menge etew ku puun diyà te nekedseselekawà he menge lugar he zutun ku sikandan ipeyapat, ne idlikù ku sikandan diyà te tanè dan, ne zutun ebmahabet sikandan utew.

Jeremias 3:23

Tutuu iyan he is ked-azap dey te zuma he menge ed-ezapen diyà te menge vuntud ne zekelà he sayep. Diyè dà te kenikew is kelibriyanan te Israel, Nengazen he Megbevayè dey.

Jeremias 31:12

Edhendiyè dan te Buvungan he Zion ne ed-ugyab sikandan tenged te kegkelipey. Egkelipey zan tenged te menge keupiyaanan he ibeǥey ku kandan–he iyan is uzar he trigu, binu, lana, wey menge uyaǥen. Egkeiring sikandan te pemuleey he layun ebinyaǥi, ne kenè dan en egkeseeng.

Penhulùhulù 1:1

Utew mekevulungbulung is Jerusalem, he zengan mahabet is menge etew kayi. Dengan nevantug heini kayi te tivuuk he kelibutan, iyan, guntaan neiring en te valu he vahi. Dengan iyan heini edhuna he inged, piru ǥuntaan neiring en heini te uripen.

Ezekiel 6:8

“Piru kenè ku sikiyu ed-eminen te edhimatey. Is duma keniyu ebpekepelaǥuy te tebek ne ebpekepeyapat dan diyà te zuma he menge nasyun

Hoseas 1:7

Piru egkehizuwan ku mulà is menge etew te Juda. Iyan a, is Nengazen he Megbevayè dan, edlibri kandan pinaaǥi te ǥehem ku ne kenà pinaaǥi te kebpekidtebek he egemiten is panà, ispada, menge kudà etawa pereuntud te kudà.”

Joel 2:32

Piru is minsan hentei he edangep diyà te Nengazen ne egkelibri te silut he edtelinguma. Su sumalà is migkaǥi te Nengazen, duen menge Israilihanen he egkesamà diyà te Jerusalem he migngezanan he Buvungan he Zion. Heini sikandan mibpilì te Nengazen he egkengelibri.

Amos 5:15

Senggilahi niw is mezaat ne veeli niw is meupiya, ne hukum kew te hustu ziyà te hukmanan. Su kela ke mehizuwi kew zed te Nengazen he Megbevayà he Mekeǥeǥehem is nengesamà keniyu te menge kevuwazan ni Jose.

Micas 2:12

Migkaǥi is Nengazen te, “Sikiyu is menge etew te Israel wey Juda he nengesamà he uuyag, edtiǥumen ku sikiyu iring te menge kerehidu ziyà te tudil etawa iring te grupu te menge uyaǥen diyà te pepenebtavà. Egkeeneb is tanè niw te etew.

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Deuteronomio 28:13

Edhimuwen kew te Nengazen he pengulu te menge nasyun, ne kenà bà dà sumusunud. Uya, layun kew egkezivavew ne kenè kew egkezizalem emun ebpurungan niw edtumana wey edsunuza is menge suǥù te Nengazen he Megbevayè niw he ibeǥey ku keniyu ǥuntaan.

Deuteronomio 32:43

Sikiyu is menge etew ziyà te menge nasyun deliǥa niw is menge etew te Nengazen, su ebelesan te Nengazen is nemenhimatey kandan te menge suluǥuen din. Ebelesan din is menge kuntada zin, ne edlumpiyuwan din is tanè din wey is menge etew zin.