Jeremias 31:23 - Manobo Western Bukidnon OT

²³ Migkaǥi is Nengazen he Mekeǥeǥehem, he Megbevayà te Israel te, “Emun igkepelikù ku en is menge etew ziyà te Juda ziyà te tanè dan, ne egkaǥi en maan sikandan te, ‘Berakat he tuvazi te Nengazen is segradu he vuntud he iyan is Jerusalem, he iyan ubpeey zin.’

Jeremias 31:23 교차 참조

Salmo 128:5

Berakat he tuvazi kew te Nengazen puun te ed-ezapan he valey zin diyà te Zion. Berakat he meehè niw is ked-uswag te Jerusalem taman te kayi kew pa te kelibutan.

Salmo 129:8

Berakat he sikan is edsaǥad kenà megkaǥi ziyà te kandan te, “Berakat he tuvazi kew te Nengazen! Ebpenubtuvazan dey sikiyu pinaaǥi te ngazan te Nengazen.”

Salmo 134:3

Berakat he tuvazi kew te Nengazen he ziyà te Zion, he iyan mibaal te langit wey kelibutan.

Salmo 28:9

Libriya nu wey tuvazi nu is menge etew he ǥaked nu. Bentayi nu sikandan he iring te ed-elima te kerehidu; etimana nu sikandan te wazà pidtemanan.

Isaias 1:21

Ahàa niw man is inged he Jerusalem. Hein aney metinumanen is menge meǥinged kayi, piru ǥuntaan neiring en sikandan te vahi he ebelegyà te zengeg din. Hein aney metazeng he menge etew is ebpemen-ubpà diyà te Jerusalem, piru ǥuntaan menge teremunù.

Isaias 1:26

Ed-umanan ku sikiyu ebeǥayi te menge pengulu wey menge sumesambag iring duen te nehuna. Ne ziyà te huziyan he timpu egkengezanan is inged niw te inged te menge metazeng wey menge metinumanen he menge etew.”

Isaias 11:9

Wazè en ebpesipala etawa ebpendezaat te segradu he vuvungan ku. Su is menge linimbag kayi te kelibutan egkepurung egketeǥui te keuluwanen mehitenged te Nengazen, iring te kegkepenua te zaǥat te wahig.

Isaias 32:16

Ne zutun te sibsivayan wey uuzaran he vevesukà, wazà pidtemanan te hustu he kukuman wey ketazeng.

Isaias 33:5

Is Nengazen, lavew te langun! Su ziyà sikandin ed-ubpà te langit. Kenè din id-awà diyà te Jerusalem is hustu he kukuman wey ketazeng.

Isaias 60:21

Is langun he menge etew nu egkehimu he metazeng, ne egkaangken dan is tanà he Israel taman te taman. Midlimbag ku sikandan; iring sikandan te pinemula he impemula ku su wey a meveǥayi te zengeg.

Jeremias 29:14

Uya, edtevangan ku sikiyu, ne idlikù ku ziyà te keniyu is ketiǥeyunan niw. Edtiǥumen ku sikiyu puun te nekedseselekawà he menge nasyun he zutun ku sikiyu ipeyapat, ne idlikù kew ziyà te keugelingen niw he lugar. Iyan a, is Nengazen, is migkaǥi kayi.

Jeremias 30:18

Migkaǥi pa is Nengazen te, “Idlikù ku is menge ketiǥeyunan diyà te menge inged te menge kevuwazan ni Jacob, ne egkehizuwan ku sikandan. Ed-umanan dan ebenguna is inged wey is turuǥan diyè mismu te lugar he zutun dan heini tukuza hein aney.

Jeremias 32:44

“Uya, egkehitavù ded is kebeyazi te menge etew te pelata te menge vevesukà. Ebaal sikandan te kesebutan. Ebpirmahan, edtetakan is menge pepilis, ne edtistiǥusan. Egkeulaula heini ziyà te menge tanà ni Benjamin, wey ziyà te zezeisey he menge inged he nekeliǥuy te Jerusalem, malù dezekelà he menge inged diyà te Juda, wey te menge inged diyà te menge vuvungan, diyà te inged te menge mibuntud-buntud diyà te edsenlepan, wey ziyà te inged he Negev. Ibpelikù ku is menge etew ku wey ibpeuswag ku sikandan ibpeuman. Iyan a, is Nengazen, is migkaǥi kayi.”

Jeremias 50:7

Edsurungen sikandan te ebpekaahà kandan. Egkaǥi is menge kuntada zan te, ‘Nekesalè dan diyà te Nengazen he iyan tutuu he eputè dan wey egkeperateng te menge kepuun dan, umbe wazè tew televaken emun edsurungen tew sikandan.’

Obadias 1:17

“Piru zuen egkesamà he menge Israilihanen diyà te Buvungan te Zion, ne egkeuman heini egkehimu he segradu he lugar. Ne egkeuman egkaangken te kevuwazan ni Jacob is menge tanà he kandan dengan.

Micas 4:1

Diyà te huziyan he menge andew, sikan is buvungan he nevengunan te valey te Nengazen egkehimu he lavew he impurtanti te langun he menge vuvungan. Ne ebpekeuma kayi he vuvungan is mahabet he menge etew he ebpemuun diyà te mahabet he menge nasyun.

Zacarias 8:3

Edlikù a ziyà te Zion, kes inged he Jerusalem, ne ed-ubpà a ziyà. Ne egngezanan is Jerusalem te Metinumanen he Inged wey egngezanan heini is buvungan ku te Buvungan he Segradu.

Ruth 2:4

Ne netegteǥaad dutun, ne nekeuma si Boaz he ebpuun te Betlehem, “Ipata kew te Nengazen,” ke sikandin diyà te menge sakup din. Ne midtavak dan te, “Ipata ka zaan te Nengazen.”