Jeremias 31:22 - Manobo Western Bukidnon OT

²² Keenu kew pe bes edlikù kayi te kedì, is menge anak ku he nengetazin. Ebaal a te veǥu kayi te kelibutan–iring te is bahi iyan en maan pengalang te maama.”

Jeremias 31:22 교차 참조

Jeremias 49:4

Sikiyu is menge meluiven, maan is impurung niw ipahambug is selebpeten he menge suǥud he tanè niw? Midsarig kew te ketiǥeyunan niw ne ke sikiyu te wazà ebpekehimu he edsurung keniyu.

Jeremias 7:24

“Piru wazè dan mebpemineg wey medtuman te migkaǥi ku. Su iyan dan mibpezumdumahan is indikta te mezaat he gehinawa zan. Wazà sikandan med-uvey kayi te kedì, kekenà, mid-iniyuǥan e zan.

Hoseas 11:7

Heini sikandan is menge etew ku, utew egkesuat he ebpekeziyù kayi te kedì. Umbe minsan medsevaha pa sikandan is ebpengumew-umew kedì, ne kenè ku sikandan edlibriyen.

Hoseas 8:5

Inselikwey ku is ed-ezapen he vaka te menge tig-Samaria. Ne neregreg is pauk ku kandan. Keenu zan buwa ebpengungubpaan he lumpiyu?

Hoseas 4:16

Su utew mesinupaken is menge tig-Israel, iring sikandan te simadun he dumeraǥa he vaka. Umbe kenè ku sikandan egkaatur iring te menge kerehidu he ibpepenabtab diyà te penebtavà.

Jeremias 4:14

“Menge tig-Jerusalem, lumpiyuwi niw is kezaat te gehinawa niw su wey kew melibri. Ebpedayun en be is kezaat te isip niw?

Jeremias 3:22

Sikiyu is kenà metinumanen he menge etew, likù kew kayi te kediey su ebewian ku is kegkeengey-engey niw.” Midtavak dan te, “Uya, ed-uvey key ziyà te kenikew su iyan ka Nengazen he Megbevayè dey.

Jeremias 3:6

Dutun te timpu te kedhadì ni Josia migkaǥi is Nengazen kayi te kedì te, “Neehè nu ve is mibeelan te kenà menge metinumanen he menge Israilihanen? Mid-azap dan is duma he menge ed-ezapen diyà te kada metikang he vuntud wey ziyà te sihung te kada merapung he kayu. Iring sikandan te vahi he ebelegyà te zengeg din.

Jeremias 2:36

“Melemu zà diyà te keniyu is ked-ilis-ilis te kezapig niw he menge nasyun. Piru utew kew ebpeel-elezi te Ehipto he kezapig niw iring te kebpeel-elezi keniyu te Asiria.

Jeremias 2:23

“Maan is nekekaǥi kew he wazè kew meremeriki wey wazè kew med-azap te menge ledawan ni Baal? Susiya niw ke hengkey he salà is nehimu niw ziyà te suǥud-suǥud te Hinom. Is-isipa niw is salà he neveelan niw. Iring kew te behiyan he kemilyu he mibpelelevag he kenà ebpeketeren.

Jeremias 2:18

Guntaan, hengkey is nekuwa niw te kedangep niw ziyà te Ehipto wey Asiria? Kunaan niw vuwa ke ebpekeinum kew pa ziyà te Wahig he Nilo wey te Wahig he Eufrates.

Isaias 7:14

Umbe iyan mismu is Nengazen ebeǥey keniyu te tuus. Ne iyan heini tuus: Ebmeǥingey is betan-en he vahi ne ed-anak te maama. Ne egngezanan din haazà is batà te ‘Emmanuel.’

Numero 16:30

Iyan, emun edhimu is Nengazen te egkein-inuwan, ne ebeka is tanà he ed-eveleng kandan he uuyag duma te langun he menge azen dan pehendiyà te kelibutan te menge minatey, ne egketuenan niw he heini he menge etew inselikwey zan is Nengazen.”

Genesis 3:15

Edhimuwen ku he kuntada nu haazà is bahi, ne ebpekigkuntada zaan is kevuwazan din te kevuwazan nu. Edrupeten din is ulu nu ne edkeǥaten nu is palu zin.”

Zacarias 7:11

“Piru wazè dan medseǥipà te migkaǥi ku. Mezesen is kedsupak dan wey kenè dan ebpemineg.

Hoseas 14:4

Migkaǥi is Nengazen te, “Ebewian ku is kegkemesinupaken te menge etew ku, ne ebmahalen ku sikandan te ebpuun te keugelingen he suat ku. Su naawè en is kegkepeuki ku kandan.

Jeremias 14:7

Migkaǥi is menge etew te, “He Nengazen, nekesalè key ziyà te kenikew. Layun dey sikew ed-iniyuǥi, ne ereg key he edsilutan. Piru tevangi key para meveǥayi ka te zengeg.

Jeremias 13:27

Neehè ku is utew mezaat he menge vaal niw he iyan is ked-azap niw te zuma he menge ed-ezapen diyà te menge vuvungan wey menge vevesukà. Neiring kew te vahi he mengungumpadi he utew subra is kegkeeriǥi zin, wey te mekeeled-eled he vahi he ebelegyà te zengeg din. Mekehizuhizu kew is menge tig-Jerusalem! Keenu vuwa egkaawà is keremerik niw?

Jeremias 3:14

Migkaǥi pa is Nengazen, “Likù kew is kenà metinumanen he menge anak, su ǥaked ku sikiyu. Egkuwaan ku is sevaha etawa zezuwa keniyu ziyà te kada inged etawa tribu ne ed-uwiten ku ziyà te Jerusalem.

Jeremias 3:8

Midsuwayan ku is Israel ne midsegseg ku tenged te kebpekimaama zin. Piru minsan pa te iyan heini wazà mehandek is meluiven he suled din he iyan is Juda.

Jeremias 3:1

“Emun edsuwayan te maama is esawa zin ne mibpeuman mebpeesawa, ne kenè din en haazà ed-umanan ed-esewaa su utew heini ebpekeremerik te tivuuk he tanà. Piru sikiyu is menge Israilihanen nengungubpaan kew he iring te vahi he ebelegyà te zengeg din. Mahabet is menge ed-ezapen he mibmahal niw. Piru minsan pa te iyan haazà, mid-umew ku pa ǥihapun sikiyu te kedlikù kayi te kedì. Iyan a, is Nengazen, is migkaǥi kayi.

Jeremias 3:4

Ne ǥuntaan egkaǥi kew kayi te kedì te, ‘Amey ku, duma ku sikew puun pa te vatè e pa.