Jeremias 31:17 - Manobo Western Bukidnon OT

¹⁷ Umbe, duen nu egkeperateng diyà te egkehuziyanan. Su kenà duwazuwa he edlikù is menge anak nu ziyà te keugelingen dan he tanà. Iyan a, is Nengazen, is migkaǥi kayi.”

Jeremias 31:17 교차 참조

Penhulùhulù 3:21

Piru edlikù is perateng ku emun iyan ku egketenuzan

Hoseas 3:5

Piru ziyà te huziyan, he edtelinguma he menge andew, edlikù dan edangep diyà te Nengazen he Megbevayè dan wey ziyà te hadì dan he kevuwazan ni David. Ed-uvey zan diyà te Nengazen duma is kedtahud tenged te ketulanged din.

Hoseas 2:15

Ne ked-awè dey zutun ne idlikù ku ziyà te kandin is menge pemuleey zin te paras, ne edhimuwen ku is Suǥud he Acor he veyeey he ebpetanudtanud te meupiya he egkeperateng. Edtevaken e zin iring te mibeelan din hein betan-en pa sikandin dutun te kebpuun din diyà te Ehipto.”

Penhulùhulù 3:26

Meupiya ke edtaǥad ki he mepelevayen te kedlibri te Nengazen kenita.

Penhulùhulù 3:18

Naawè en is dengeg ku wey is langun he ebperetengen ku ziyà te Nengazen.

Ezekiel 37:25

Ed-ubpè dan diyà te tanà he imbeǥey ku te suluǥuen ku he si Jacob, he iyan kes tanà he mid-ubpaan te menge kepuun dan. Dutun dan wey is menge kevuwazan dan ebpekeubpà taman te taman, ne edhedian sikandan te kevuwazan te suluǥuen ku he si David te wazà pidtemanan.

Isaias 6:13

Minsan mesamè pa is ikesepulù he vahin te menge Israilihanen diyà te tanà te Israel, edezeetan ǥihapun sikandan. Piru zuen mibpilì ku ziyà te kandan ne iyan sikandan egkesamà. Egkeiring sikandan te tued te kayu he ulayan he mibpiley.”

Ezekiel 39:28

Ne egketuenan dan he iyan a Nengazen he Megbevayè dan. Su minsan impevihag ku sikandan pehendiyà te menge nasyun, piru ed-umanan ku sikandan edtiǥuma ziyà te keugelingen dan he tanà ne wazà minsan sevaha he egkesamà.

Penhulùhulù 3:29

Ibpekevavè ta is keugelingen ta ziyà te etuvangan te Nengazen ne kenè ta id-awà is perateng ta.

Ezekiel 37:21

ne keǥiyi nu sikandan te, ‘Iyan heini migkaǥi te Nengazen he MEGBEVAYÀ: Egkuwaan ku is menge Israilihanen puun te langun he menge nasyun he zutun sikandan mekepeyapat, ne ed-umanan ku sikandan ed-uwita ziyà te keugelingen dan he tanà.

Zacarias 9:12

Sikiyu is menge nevihag he ebperateng he mekelingkawas, likù kew en diyà te melig-en he menge lugar. Ǥuntaan egkaǥi a ziyà te keniyu he idlikù diyà te keniyu he edtekepen is naawà diyà te keniyu.