Jeremias 31:13 - Manobo Western Bukidnon OT

¹³ Is menge raǥa wey menge kenakan kandan ragkes en is memeǥurang, edsayew tenged te kegkelipey. Edliwanan ku is kebpekesineǥew zan te kelipey. Kenè en sikandan ebpekelalew su edlipayen ku sikandan.

Jeremias 31:13 교차 참조

Ezra 6:22

Seled te pitu he andew is melipayen he kedsilibraha zan te Pista te Supas he Wazè din Tapey. Su mibeǥayan dan te Nengazen te kelipey pinaaǥi te kedwelenga zin te ǥehinawa te hadì te Asiria para tevangi zin sikandan te kedterebehuwa zuen te valey te Megbevayà, sikan is Megbevayà te Israel.

Nehemias 12:27

Hein timpu te kebpehinunguza te verengbeng te Jerusalem, impetawag is menge Levihanen diyà te ed-ubpaan dan. Impehendiyà sikandan te Jerusalem su wey zan meketampu te melipayen he kedsilibra te kebpehinunguza zuen te verengbeng pinaaǥi te kegkanta te menge kentahan te kebpeselamat wey kedtukar te menge simbal, alpa, wey lira.

Nehemias 12:43

Dutun he andew, nemuhat sikandan te mezakel he menge pemuhat wey midlipeylipey zan, su utew sikandan midlipey te Megbevayà. Ragkes he midlipey is menge vahi wey menge vatà. Umbe is keǥurub te kedlipey zan ne egkezineg pa ziyà te meziyù.

Ester 9:22

su iyan heini kes menge andew he zutun nelibri zan puun te gehem te menge kuntada zan. Su iyan kes bulan he zutun neilisan te kelipey is kegkeseeng dan wey neilisan te andew te kedlipeylipey kes andew pezem te kedlalew zan. Ne migkeǥiyan dan en maan ni Mordecai zutun te surat he silibraha zan heini pinaaǥi te pista zuma is kedlipeylipey, wey mebpeteltelewizè dan te gasa, ne veǥayi zan is menge egkengeayuayu.

Salmo 126:5

Berakat he sikan is nekesineǥew hein timpu te ked-ezek din, ne mebmelipayen emun edraǥun en.

Salmo 148:12

menge menguhed man, wey is menge meǥurang en, wey ke iyan be menge vatà.

Salmo 149:3

Deliǥa niw sikandin duma is kedsayew wey kedtukar te tamburin wey menge alpa.

Salmo 30:11

Tenged te tavang nu, mid-ilisan nu te melipayen he kedsayew is keseengan ku. Impeluwas nu kedì is bisti ku he saku he tuus te kedlalew ku, ne mibeǥayan a kenikew te kelipey.

Isaias 12:1

Emun egkeume en haazà he andew megkanta kew te: “Nengazen, edeliǥen ku sikew. Nepeukan a kenikew, piru ǥuntaan naawè en is pauk nu, ne edlipeyen a kenikew.

Isaias 35:10

Heini is menge nevelukasan te Nengazen edlikù sikandan diyà te Jerusalem is ebpemenganta. Melipayen dan layun; egkaawè en is menge seeng dan wey menge kegkerasey zan.

Isaias 51:11

Edlikù diyà te Zion is menge etew he midlibri nu he ebpemenganta he kenà egkeengked is kegkelipey zan. Egkaawè en is kegkeseeng dan, ne utew subra is kegkelipey zan.

Isaias 51:3

“Egkenuǥunan ku utew is Jerusalem he nevengkag. Is menge disirtu kayi edhimuwen ku he iring te Eden he pemuleey ku, egkaahà diyà te Jerusalem is kelipey wey kedlipey wey egkezineg kayi he lugar is kebpeselamat wey menge kegkanta.

Isaias 60:20

Iyan a egkehimu he andew nu wey vulan nu he kenà edsanlep; iyan a kerayag nu te wazà pidtemanan. Ne egketapus en is menge kemereǥenan nu.

Isaias 61:2

Midsuǥù e zin daan te kebpenudtul he neume en is timpu te kedlibriya te Nengazen te menge etew zin, ne edsilutan din is menge kuntada zan. Midsuǥù e zin daan te kedlipey te egkengeseeng diyà te Jerusalem, su para kenà avu is igkesavuk dan diyà te ulu zan he tuus te kegkeseeng dan, kekenà, kuruna he vulak, ne edlenahan dan is ulu zan he tuus te melipayen sikandan. Egkeiring dan te kayu he ulayan he impemula te Nengazen. Egngezanan sikandan he menge metazeng para te zengeg te Nengazen.

Jeremias 31:4

Ibpeuman ku sikiyu ibpehitindeg is menge tig-Israel he iring te vahi he wazè pa mehileveti. Ne ebpekesayew kew tenged te kegkelipey te ebpezumahan te tukar te menge tamburin niw.

Jeremias 33:11

is kedlipey wey keguǥusà. Egkezineg is kebpeeyuwà te beuǥu, wey is kedlipey te ebpemen-uwit te menge pemuhat diyà te valey te Nengazen he para te kebpeselamat. Egkaǥi zan te, ‘Ebpeselamat kiw te Nengazen he Mekeǥeǥehem, su meupiya sikandin. Wazà pidtemanan te ǥaǥew zin.’ Edlipey is menge etew su idlikù ku is meupiya he kebpekesavuk dan kayi he tanà iring te kebpekesavuk dan dengan. Iyan a, is Nengazen, is migkaǥi kayi.”

Zatù 21:21

ne ventayi niw is menge raǥa he tig-Shilo. Ne emun edsaǥad sikan is menge raǥa he edsayew zutun te pista, ne lepawa niw sikandan ne medakep is kada sevaha keniyu te ed-esewaan din ne uwita niw ziyà te keniyu.