Jeremias 31:11 - Manobo Western Bukidnon OT

¹¹ Edlibriyen ku sikandan is menge kevuwazan ni Jacob diyà te ǥehem te menge etew he edhuna he mekeǥeǥehem kandan.

Jeremias 31:11 교차 참조

Salmo 142:6

Pemineǥa nu is kebuyù ku te tavang diyan te kenikew, su wazè en duma he egkehimu ku. Ilikey a te edtelinguma he edrasey kediey, su memezesen dan kenà siak.

Exodus 15:16

“Uya, utew sikandan egkulbai. Pinaaǥi te ǥehem nu ebpeketireneb sikandan iring te vatu, taman te nekesaǥad en is menge etew he midlibri nu.

Isaias 44:23

Megkanta tenged te kegkelipey, is langit! Habet ka pengulahì, is kelibutan! Kanta kew is menge vuvungan wey menge kayu ziyà te ketelunan, su ebeelan heini te Nengazen. Edlibriyen din is menge kevuwazan ni Jacob; ibpeehè din diyà te Israel is kegkemekeǥeǥehem din.

Isaias 48:20

Awè kew ziyà te Babilonia! Isangyew niw kayi te tivuuk he kelibutan duma is kelipey he midlibri te Nengazen is menge suluǥuen din, he iyan is menge etew ziyà te Israel.

Isaias 49:24

Egkahawì nu ve is mibpen-aǥew te mesipala he menge sundaru? Egkelibri nu ve is menge mibihag dan?

Isaias 49:25

Piru iyan heini egkeǥiyen te Nengazen: “Uya, egkelibri nu is menge mibihag te mesipala he menge sundaru, ne egkahawì nu is mibpen-aǥew zan. Su ebpekidtebek a te menge nekidtebek kenikew, ne edlibriyen ku is menge etew nu.

Isaias 51:11

Edlikù diyà te Zion is menge etew he midlibri nu he ebpemenganta he kenà egkeengked is kegkelipey zan. Egkaawè en is kegkeseeng dan, ne utew subra is kegkelipey zan.

Jeremias 15:21

Uya, edlibriyen ku sikew puun te ǥehem te menge lalung wey mesipala he menge etew.”

Jeremias 50:33

Migkaǥi pa is Nengazen he Mekeǥeǥehem te, “Midaagdaag is menge etew ziyà te Israel wey Juda. Mibihag wey mibpurungan sikandan bentayi wey kenè en meveǥayi te vayàbayà.

Jeremias 50:34

Piru gehemanen a, is Menluluwas dan; Nengazen he Mekeǥeǥehem is ngazan ku. Edlevanan ku sikandan wey meveǥayi te kelinew wey kebpekehimeley is kelibutan, piru egurigawen ku mulà is menge meǥinged diyà te Babilonia.

Penhulùhulù 3:58

Nengazen, midtevangan a kenikew te kasu ku ne midlibri nu is untung ku.

Hoseas 13:14

Edlibriyen ku ve sikiyu te kemetayen? Kenà! Egkeǥiyan ku pa ganì is kemetayen te, ‘He kemetayen, pekevisa ke en. Ne dezeeti nu en sikandan. Kenè ku sikiyu egkehizuwan.’

Zacarias 9:16

Dutun he andew edlibriyen sikandan te Nengazen he Megbevayè dan he iring te menge kerehidu zin. Mekempet wey mezagwey sikandan he edtengtengan diyà te tanè dan. Iring sikandan te mahalen he menge vatu he ed-ilak-ilak diyà te kuruna. Is dekelà he sebpet dan ebpekeveǥey te zesen diyà te menge vetan-en dan.