Jeremias 31:1 - Manobo Western Bukidnon OT

¹ Mibpedayun pa megkaǥi is Nengazen te, “Dutun he timpu, egkehimu a he Megbevayà te langun he pemilya te Israel, ne egkehimu zan he menge etew ku.

Jeremias 31:1 교차 참조

2 Samuel 7:24

Midhimu nu is menge Israilihanen he keet-etawan nu te wazà pidtemanan, wey iyan ka, Nengazen he Megbevayè dan.

Salmo 144:15

Utew zeysey is menge etew he egkeiring kayi is ked-ubpè dan. Deyzey is menge etew he nekekilala wey midtuu te tutuu he Megbevayà he Nengazen.

Salmo 48:14

he is Megbevayà he edsilbiyan tew ǥuntaan iyan kes Megbevayè tew te wazà pidtemanan. Iyan sikandin egiya kenitew te wazà pidtemanan.

Isaias 20:6

Ne emun egkehitavù en heini, egkaǥi is menge Filistihanen te, ‘Ahàa niw man is nehitavù te menge nasyun he midseriǥan tew wey mibuyuan tew te tavang su para melibri kiw te kedeezeti kenitew te hadì te Asiria. Ne ebmenumenu kiw en buwa wey kiw mekelikey?’ ”

Isaias 41:10

Kenè ka mahandek su iyan a zuma nu. Kenè ka meipeng su iyan a Megbevayè nu. Edlig-enan ku wey edtevangan ku sikew. Ebpengelangan ku sikew pinaaǥi te gehem ku he iyan daan ebpekeluwas kenikew.

Jeremias 23:6

Iyan heini ngazan he igngazan kandin: ‘Is Nengazen iyan Mibeǥey Kenitew te Ketazeng.’ Dutun he timpu egkelibri is Juda wey ebpekaangken te kelinew is Israel.

Jeremias 3:18

Dutun he timpu, is menge tig-Juda wey menge tig-Israel ebpezumahà te ked-ulì is ebpuun te kegkevihaǥa kandan diyà te zizaya; diyà sikandan ebpevayà te tanà he imbeǥey ku te menge kepuun dan para egkepengevilin dan.

Jeremias 30:10

“Umbe kenè kew mahandek wey mesuǥey is menge kevuwazan ni Jacob he menge suluǥuen ku. Iyan a is Nengazen migkaǥi te egkuwaan ku sikiyu ziyà te meziyù he lugar he zutun kew uwita te mibihag keniyu. Ne ed-ubpè kew he zuen kelinew. Wazè en igkehandek niw wey wazè en ebpekezezaat keniyu.

Jeremias 30:22

Egkehimu sikandan he menge etew ku ne egkehimu a he Megbevayè dan.

Jeremias 30:24

Ne kenà egkaawà is utew ku kegkepauk emun kenè ku pa egkeveelan is egkesuatan ku te ebaal. Ne ziyà te huziyan he menge andew egkesavut niw zed heini.”

Jeremias 30:3

Su egkeuma is timpu he ibpeuli ku is nengevihag he menge etew ku he menge tig-Israel wey menge tig-Juda ziyà te tanè dan. Uya, ibpeuli ku sikandan diyà te tanà he imbeǥey ku ziyè te menge kepuun dan wey zan meengken. Iyan a, is Nengazen, is migkaǥi kayi.”

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.

Jeremias 32:38

Egkehimu sikandan he menge etew ku ne egkehimu a he Megbevayè dan.

Jeremias 33:14

Migkaǥi pa is Nengazen te, “Egkeuma is timpu he edtumanen ku is meupiya he insaad ku te menge etew ziyà te Israel wey Juda.

Jeremias 33:7

Ibpelikù ku is menge tig-Israel wey menge tig-Juda ziyà te tanè dan, ne ed-umanan ku ebenguna is menge inged dan iring te nehuna he timpu.

Jeremias 50:4

“Dutun he timpu is menge etew ziyà te Israel wey Juda edsineǥew is edangep kayi te kedì, te Nengazen he Megbevayè dan.

Ezekiel 11:20

Edtumanen niw en is menge suǥù ku wey menge sulunuzen. Egkehimu kew he menge etew ku, ne egkehimu a he Megbevayè niw.

Ezekiel 34:24

Ne siak, is Nengazen, egkehimu a he Megbevayè dan, ne sikan is kevuwazan te suluǥuen ku he si David egkehimu he pengulu zan. Iyan a, is Nengazen, is migkaǥi kayi.

Ezekiel 34:31

“Iyan kew menge kerehidu ku ziyà te pepenebtavè ku. Iyan kew menge etew ku, ne iyan a Megbevayè niw. Iyan a, is Nengazen he MEGBEVAYÀ, is migkaǥi kayi.”

Ezekiel 36:28

Ed-ubpè kew ziyà te tanà he ibeǥey ku te menge kepuun niw. Egkehimu kew he menge etew ku, ne egkehimu a he Megbevayè niw.

Ezekiel 39:22

Puun dutun he timpu, egketuenan te menge etew te Israel he iyan a is Nengazen Megbevayè dan,

Ezekiel 39:25

Mibpedayun pa megkaǥi is Nengazen he MEGBEVAYÀ te, “Piru ekgehizuwan ku en is menge Israilihanen, he menge kevuwazan ni Jacob, ne ibpeuman ku sikandan ibpeuswag, su wey meveǥayi te zengeg is waǥas he ngazan ku.

Hoseas 1:11

Egkeuman egkesevaha is menge etew te Israel wey Juda, ne ebpilì dan te sevaha he pengulu. Ed-uman dan ed-uswag dutun te tanè dan. Ne utew heeyan melipayen he timpu para te inged he Jezreel.

Leviticus 26:12

Eduma a keniyu ne iyan a egkehimu he Megbevayè niw ne ebpedayun is kegkehimu niw he menge etew ku.

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”