Jeremias 30:24 - Manobo Western Bukidnon OT

²⁴ Ne kenà egkaawà is utew ku kegkepauk emun kenè ku pa egkeveelan is egkesuatan ku te ebaal. Ne ziyà te huziyan he menge andew egkesavut niw zed heini.”

Jeremias 30:24 교차 참조

Genesis 49:1

Ne zutun mid-umew ni Jacob is menge anak din, ne ke sikandin te, “Pen-uvey kew kayi su wey ku sikiyu mekeǥiyi ke hengkey is egkeulaula keniyu keuzemà.

Isaias 14:24

Utew meheǥet is kegkeǥiya te Nengazen he Mekeǥeǥehem te, “Siguradu he egketuman is pelanu ku wey ketuyuan ku.

Isaias 46:11

Ed-umew a te sevaha he etew he ebpuun diyà te meziyù he lugar ziyà te edsilaan, ne edtumanen din is pelanu ku. Edagmang sikandin iring te tagbis he ebpendawi. Is nekaǥi ku wey pelanu ku ne edtumanen ku heini.

Jeremias 23:19

Pemineg kew! Is pauk ku iring te vagyu etawa eribpures he ebpekesuǥat te lalung he menge etew.

Jeremias 23:20

Kenà iyan egkaawà is pauk ku taman te egkeveelan ku is egkesuatan ku te ebaal. Ne ziyà te huziyan he timpu egkepurung niw zed egkesavut heini.

Jeremias 4:28

Egkeseeng is kelibutan ne ebmerusirem is langit, su nekaǥi ku en is silut, ne kenè ku en ebelvelewanan is nekaǥi ku. Nekedisisyun ad ne kenè en egkahalin is isip ku.”

Jeremias 4:8

Umbe, bivisti kew te saku he tuus te kegkeseeng niw. Lelendag kew su utew kiw egkepeuki te Nengazen.

Jeremias 48:47

Piru ziyà te huziyan he timpu, idlikù ku zed is meupiya he kebpekesavuk diyà te Moab. Iyan a, is Nengazen, is migkaǥi kayi.” Iyan heini menge lalag mehitenged te Moab.

Jeremias 49:37

Edezeetan ku sikandan diyà te etuvangan te menge kuntada zan he egkesuat he edhimatey kandan. Uya, edezeetan ku sikandan tenged te utew ku kegkepauk. Ibpesurung ku sikandan te menge kuntada zan taman te egkaamin sikandan is langun.

Jeremias 49:39

Piru ziyà te huziyan he timpu idlikù ku zed is meupiya he kebpekesavuk diyà te Elam. Iyan a, is Nengazen, is migkaǥi kayi.”

Penhulùhulù 1:12

Migkeǥiyan din is menge etew he sumeseǥazà te, “Kenè niw ve ebeliyen heini is nehitavù kedì? Ehè kew ke zuen be egkeehè niw he nerasey iring te kegkerasey ku. Heini he kemeresayan, insilut te Nengazen kayi te kedì dutun te timpu te utew zin kegkepauk.

Ezekiel 38:16

Edsurungen nu is menge etew ku he Israilihanen he henduen kew te ǥapun he ebpeketambun te tanà. Uya, ibpesurung ku kenikew Gog, is nasyun ku te huziyan he timpu. Ne pinaaǥi te ebpeveelan ku kenikew, igkepeehè ku ziyà te menge nasyun is kegkewaǥas ku. Ne egketuenan dan he iyan a Nengazen.’ ”

Daniel 10:14

Ne ǥuntaan, kayi a su wey ku ikepesavut kenikew ke hengkey is egkehitavù te zuma nu he menge Israilihanen te huziyan he timpu, su is kenikew he naahà mehitenged te egkehitavù te huziyan he timpu.”

Daniel 2:28

Piru zuen Megbevayà diyà te langit he ebpezayag te menge nekeeles he ketutuanan. Mahal he Hadì, pinaaǥi te teǥeinep nu, ibpetuenan te Megbevayà kenikew ke hengkey is huziyan he egkehitavù. Guntaan, idseysey ku kenikew is nelewasan nu pinaaǥi te teǥeinep nu.

Hoseas 3:5

Piru ziyà te huziyan, he edtelinguma he menge andew, edlikù dan edangep diyà te Nengazen he Megbevayè dan wey ziyà te hadì dan he kevuwazan ni David. Ed-uvey zan diyà te Nengazen duma is kedtahud tenged te ketulanged din.

Micas 4:1

Diyà te huziyan he menge andew, sikan is buvungan he nevengunan te valey te Nengazen egkehimu he lavew he impurtanti te langun he menge vuvungan. Ne ebpekeuma kayi he vuvungan is mahabet he menge etew he ebpemuun diyà te mahabet he menge nasyun.

Numero 24:14

Guntaan, ed-ulì ad diyà te menge emurè ku te inged. Piru ebpetizeenan ku sikew he zaan ke hengkey is ebeelan kayi he menge etew ziyà te menge etew nu ziyà te huziyan he menge andew.”

Deuteronomio 31:29

Su netuenan ku he emun ebpatey ad, ne ebaal kew te mezaat ne edsuwayan niw is langun he idsuǥù ku keniyu. Dutun te huziyan he timpu ebpekeuma ziyà te keniyu is menge kemeresayan su ebaal kew te mezaat is ked-isipa te Nengazen duen ne edhimuwen niw he mepauk sikandin pinaaǥi te vaal niw.”

Deuteronomio 4:30

Emun egkehitavù heini he kelised diyà te keniyu te huziyan he timpu, edlikù kew ziyà te Nengazen he Megbevayè niw ne ebpezumdumahan niw en human is menge lalag din keniyu.

1 Samuel 3:12

Emun egkeuma haazà he andew ne ebeelan ku is langun he migkaǥi ku he ebpekesuǥat te pemilya ni Eli.