Jeremias 30:22 - Manobo Western Bukidnon OT

²² Egkehimu sikandan he menge etew ku ne egkehimu a he Megbevayè dan.

Jeremias 30:22 교차 참조

Exodus 6:7

Ed-isipen ku sikiyu he menge etew ku ne iyan a egkehimu he Megbevayè niw. Ne egketuenan niw he siak is Nengazen he Megbevayè niw, iyan a mibpeǥawas keniyu puun te kegkeuripena keniyu te menge tig-Ehipto.

Solomon 2:16

Kediey zà is minahal ku, ne kandin e zà. Ibpepenabtab din is menge uyaǥen din diyà te zuen duen menge liryu.

Jeremias 11:4

Heini he menge sulunuzen impetuman ku te menge kepuun niw hein impeǥawas ku sikandan diyà te Ehipto, he iyan kes lugar he iring keinit te rapug. Migkeǥiyan ku sikandan te, ‘Emun ebpezumdumahan a keniyu wey edtumanen niw is langun he menge suǥù ku, egkehimu kew he menge etew ku, ne egkehimu a he Megbevayè niw.

Jeremias 24:7

Idsavuk ku ziyà te ǥehinawa zan is tinguhà te kegkilala kediey te Nengazen dan. Egkehimu sikandan he menge etew ku ne egkehimu a he Megbevayè dan, su edlikù sikandan kayi te kediey te kedlikù he ebpuun diyà te gehinawa zan.

Jeremias 31:1

Mibpedayun pa megkaǥi is Nengazen te, “Dutun he timpu, egkehimu a he Megbevayà te langun he pemilya te Israel, ne egkehimu zan he menge etew ku.

Jeremias 31:33

Migkaǥi pa is Nengazen te, “Is beǥu he kebpekid-uyun he edhimuwen ku ziyà te menge tig-Israel te egkeuma he timpu iyan heini: Idtaǥù ku is menge suǥù ku ziyà te isip dan wey idsurat ku heini ziyà te gehinawa zan. Egkehimu a he Megbevayè dan, ne egkehimu zan he menge etew ku.

Jeremias 32:38

Egkehimu sikandan he menge etew ku ne egkehimu a he Megbevayè dan.

Ezekiel 11:20

Edtumanen niw en is menge suǥù ku wey menge sulunuzen. Egkehimu kew he menge etew ku, ne egkehimu a he Megbevayè niw.

Ezekiel 36:28

Ed-ubpè kew ziyà te tanà he ibeǥey ku te menge kepuun niw. Egkehimu kew he menge etew ku, ne egkehimu a he Megbevayè niw.

Ezekiel 37:27

Ed-ubpà a he zuma zan. Egkehimu a he Megbevayè dan, ne egkehimu sikandan he menge etew ku.

Hoseas 2:23

Ibpeubpè ku sikiyu ziyà te tanè niw su menge etew ku sikiyu. Ne sikiyu is migngezanan he Lo Ruhama he ke và dà egkegiya, ‘Wazà Mehizuwi,’ ibpeehè ku is hizu ku keniyu. Ne sikiyu zaan is migngezanan te Lo Ami he ke và dà egkegiya, ‘Kenà menge Etew ku,’ edtewaǥen ku he menge etew ku, ne egkaǥi kew te iyan a Megbevayè niw.”

Zacarias 13:9

Is egkesamà he iketelu he vahin, ne edlumpiyuwan ku he iring te pelata he edhimuwen he lunsey pinaaǥi te hapuy. Ne egezaman ku sikandan iring te kegezam te kegkelunsey te vulawan he pinaaǥi te hapuy. Ed-ampù dan kayi te kedì ne ebpemineǥen ku sikandan. Egkaǥi a te, ‘Menge etew ku sikandan,’ ne egkaǥi zaan sikandan te, ‘Is Nengazen iyan Megbevayè dey.’ ”

Zacarias 8:8

Ed-umanan ku sikandan ed-uwita ziyà te Jerusalem ne ibpeubpè ku zutun. Ne egkehimu en maan sikandan he menge etew ku ne egkehimu a he Megbevayè dan he metinumanen wey metazeng.”