Biblia Todo Logo
온라인 성경

- 광고 -




Jeremias 30:21 - Manobo Western Bukidnon OT

21 Is pengulu zan, ne ziyè mismu ebpuun te kandan. Ibpeuvey ku sikandin kayi te kediey, ne ed-uvey sikandin. Su wazà etew he ebpeǥaruǥaru ed-uvey kayi te kedì emun kenè ku ibpeuvey. Iyan a, is Nengazen, is migkaǥi kayi.

장을 참조하십시오 복사




Jeremias 30:21
53 교차 참조  

Ne mid-uman dutun si Abraham megkaǥi te, “Peseyluwa a, su ǥeina te mibpekevurut a he egkaǥi ziyan te kenikew te Nengazen, ibpelaus ku pa is egkeǥiyen ku, minsan pa te kayi te etuvangan nu iring a te eliyavuk dà wey igmuk su utew minus is pid-etawan ku.


Ne migkaǥi en maan si Abraham te, “Pekelalaglalag ka, Nengazen, ne kenà a kenikew mepeuki su ebpenginginsè e pa. Penenglitan ke zuen egkeehè nu he 30 he menge metazeng?” Ne midtavak is Nengazen te, “Emun duen egkeehè ku he 30 ne kenè ku zaan edlimasen.”


Ne migkaǥi pa maan si Abraham te, “Nengazen, Kenà a kenikew mepeuki, ketepusan en heini he id-insè ku. Penenglitan ke zuen 10 he menge metazeng he egkeehè nu zutun?” Ne midtavak is Nengazen te, “Ke zuen egkeehè ku ziyà he minsan 10 dà he menge metazeng, ne kenè kud edlimasen.”


Pedayun ka he edumala, Juda. Ebpuun te kevuwazan nu is egkehimu he menge sineriǥan. Umbe ebeǥey is menge nasyun te vuhis diyà te kenikew wey ebpevayèbayè dan kenikew.


Iyan sikandin ebangun te valey para te kebeǥey kedì te zengeg, wey edsigureduwen ku he is menge kevuwazan din ebpekahadì taman te taman.


Is nengulu kandan dutun te ked-ulì dan, iyan ensi Zerubabel, Jeshua, Nehemias, Seraya, Reeleya, Mordecai, Bilshan, Mispar, Bigvai, Rehum, wey si Baanah. Iyan heini listahan te menge etew te Israel he nemen-ulì puun te kegkevihaǥa kandan:


Imbeǥey ku is ketengdanan te kedumala te Jerusalem diyà te suled ku he si Hanani, ne iyan duma zin si Hanania he peremandar te menge vantey te melig-en he kutà. Mibpilì ku si Hanania su egkeseriǥan sikandin wey zekelà is kedtahud din te Megbevayà lavew te kezekelan.


Deyzey is etew he mibpilì nu wey midhinggat nu he ziyà med-ubpà te valey nu. Diyà te valey nu he iyan kes segradu he ubpeey nu egkeveyangan key te meupiya he menge vutang.


Is kada hadì te Israel ne ziyà ebpuun te menge kevuwazan din taman te taman. Ne iring te langit is ginhedian din su kenà egkaawà.


Migkaǥi is Megbevayà te, “Kenè ke en utew uvey, pul-uta nu is sandalyas nu su segradu heini is tanà he nehitindeǥan nu.”


Hentei heini is ebpekeuma he ebpuun te Bozra he inged diyà te Edom, he nezekiyan te meriǥà is mekempet he visti zin? Ebpekeuma sikandin he utew zekelà is gehem din. Iyan sikandin kes Nengazen he ebpenudtul he egkaangken en te menge etew zin is kezeeǥan duma is ketazeng.


Ebpenilbi zan en kedì, te Nengazen he Megbevayè dan, wey te hadì dan he kevuwazan ni David he edsuǥuen ku.


Dutun he timpu iyan ku ibpezumala is metazeng he hadì he kevuwazan ni David. Ne ebeelan din is metazeng wey hustu kayi te tivuuk he tanà.


Edtik-ew a edsurung diyà te Edom he iring a te erimaung he ebpuun te ketelunan diyà te Jordan he edhendiyà te menge kerehidu ziyà te penebtavà. Edsegseǥen ku sikandan ne iyan ku ibpezumala te Edom is etew he mibpilì ku. Hentei is iring kediey? Hentei is ebpeǥaruǥaru he edsukul kediey? Hentei is pengulu he ebpekigkuntada kedì?


“Edtik-ew a edsurung diyà te Babilonia he iring a te erimaung he ebpuun te ketelunan diyà te Jordan he edhendiyà te menge kerehidu ziyà te penebtavà. Edsegseǥen ku sikandan ne iyan ku ibpezumala te Babilonia is etew he mibpilì ku. Hentei is iring kediey? Hentei is ebpeǥaruǥaru he edsukul kediey? Hentei is pengulu he ebpekigkuntada kedì?


Edhedian sikandan te kevuwazan te suluǥuen ku he si David, ne sevaha zà is ed-elima kandan. Ebpurungan dan edsunuza is menge suǥù ku wey menge sulunuzen.


Egkeuman egkesevaha is menge etew te Israel wey Juda, ne ebpilì dan te sevaha he pengulu. Ed-uman dan ed-uswag dutun te tanè dan. Ne utew heeyan melipayen he timpu para te inged he Jezreel.


Ne migkeǥiyan din si Kora wey is langun he sumusunud kandin te, “Keeselem ke meselem ibpezayag te Nengazen ke hentei is tutuu he mibpilì din he ebpenilbi kandin pinaaǥi te kegkememumuhat, su ibpeuvey zin diyà te etuvangan din is mibpilì din. Umbe iyan heini veeli niw keeselem: Kuwa kew te teleǥuey te menge veyewà,


Kinahanglan he iyan niw ebpilien he hadì is etew he mibpilì te Nengazen he Megbevayè niw, wey kinahanglan he zuma niw he Israilihanen. Kenè kew pilì te kenà Israilihanen.


Edsuǥù a ziyà te kandan te ebpeneuven ku he iring kenikew, su zuma zan he Israilihanen. Ne ibpekaǥi ku kandin is langun he egkesuatan ku te egkaǥi ziyà te kandan.


Nehimu he hadì te Israel is Nengazen hein midtiǥum is menge pengulu zan wey menge tribu zan.”


우리를 팔로우하세요:

광고


광고