Jeremias 29:21 - Manobo Western Bukidnon OT

²¹ Iyan heini migkaǥi te Nengazen he Mekeǥeǥehem, he Megbevayà te Israel, mehitenged ki Ahab he anak ni Kolaya wey ki Zedekia he anak ni Maasea, “Heini he menge etew egkaǥi te tarù diyà te keniyu, ne egemiten dan is ngazan ku. Umbe ibeǥey ku sikandan ki Hadì Nebucadnezar he hadì te Babilonia ne ibpehimetayan din sikandan diyà mismu te etuvangan niw.

Jeremias 29:21 교차 참조

Jeremias 20:4

Su iyan heini migkaǥi te Nengazen: Igkeherati nu is kebpekesavuk nu wey is kebpekesavuk te langun he menge emiǥu nu. Egkeseksiyan nu is kebpenhimetayi kandan te menge kuntada zan diyà te tebek. Ibeǥey ku is tivuuk he Juda ziyà te hadì te Babilonia. Is duma he menge meǥinged kayi ebpenhimetayan, ne is duma ebihaǥen.

Jeremias 20:6

Ne minsan sikew Pashur, wey is tivuuk he pemilya nu, ebihaǥen diyà te Babilonia. Diyè ka ebpatey te Babilonia wey idleveng, ragkes is langun he menge emiǥu nu he tarù is tagnè nu mehitenged kandan.”

Jeremias 23:14

Piru neehè ku he edlavew pa he lalung is menge ebpeneuven diyà te Jerusalem. Mid-azap dan te zuma he menge ed-ezapen ne midtarùtarù dan pa. Ed-iniyaten dan is menge lalung te kebpeiseg te kelelalung dan. Umbe wazè dan engkezi is kelelalung dan. Is menge etew ziyà te Jerusalem, iring kezaat te menge etew ziyà te Sodom wey Gomora.

Jeremias 29:15

“Kela ke egkaǥi kew te zuen menge ebpeneuven he midsuǥù ku ziyà te keniyu ziyan te Babilonia,

Penhulùhulù 2:14

Is menge lalag te ebpemeneuven diyà te keniyu ne kenà tutuu. Wazè din pulus ne ebpeketazin keniyu. Wazè dan ipahayag is menge salè niw he iyan pezem kenè niw igkevihag.