Jeremias 25:23 - Manobo Western Bukidnon OT

²³ Dedan, Tema, Buz, is menge mibpen-elutan is dapit te kendingen dan,

Jeremias 25:23 교차 참조

Genesis 10:7

Si Cush ne zuen din menge anak he iyan heini si Sheba, Havila, Sabta, Raama, wey si Sabteca. Ne iyan heini menge anak ni Raama, si Sheba wey si Dedan.

Genesis 22:21

Is kinekekayan he anak dan he maama ne si Uz, is sunud ne si Buz, is sunud pa ne si Kemuel (he nehimu he amey ni Aram),

Genesis 25:15

Hadad, Tema, Jetur, Nafish, wey Kedema.

1 Cronica 1:30

Mishma, Duma, Masa, Hadad, Tema,

Job 6:19

Is menge nigusyanti he tig-Tema wey tig-Sheba he ebiyahi, ebperateng dan te wahig he egkeinum dan dutun,

Jeremias 49:28

Iyan heini migkaǥi te Nengazen mehitenged te Kedar wey te menge ginhedian diyà te Hazor he midsurung ni Hadì Nebucadnezar he hadì te Babilonia: “Pengandam kew ne surunga niw is Kedar! Dezeeti niw heini he menge etew is diyà te edsilaan.

Jeremias 49:32

Is menge kemilyu zan wey is langun he menge uyaǥen dan ne egkehimu he keniyu. Ibpeyapat ku ziyà te minsan hendei heini is menge etew he mibpen-elutan is dapit te kendingen dan, ne ibpeseǥazan ku kandan is kezeetan he ebpuun diyà te minsan hendei.

Jeremias 49:7

Iyan heini migkaǥi te Nengazen he Mekeǥeǥehem bahin te Edom: “Hendei en is uluwanen diyà te Teman? Wazè en be nesamà he metau he edsambag?

Jeremias 49:8

Sikiyu is nemen-ubpà diyà te Dedan, ebpemelaǥuy kew ne ed-eles kew ziyà te mezalem he menge surung. Su ebpeeǥiyan ku te kezeetan is menge kevuwazan ni Esau dutun te timpu te kedsiluti ku kandan.

Jeremias 9:25

Migkaǥi pa is Nengazen te, “Egkeuma is timpu he edsilutan ku is langun he nesirkunsidar he wazà mahalin is ulaula zan:

Jeremias 9:26

is menge tig-Ehipto, tig-Juda, tig-Edom, tig-Amon, tig-Moab wey is langun he ebpemen-ubpà diyà te sibsivayan he mibpen-elutan is dapit te kendingen dan. Iyan tutuu is, heini is langun he meǥinged diyà te menge nasyun, ragkes en is langun he menge etew ziyà te Israel, henduen be te neked-iring dà he wazà menge sirkunsidar su meremerik is netaǥù diyà te gehinawa zan.”

Ezekiel 25:13

Umbe iyan a, is Nengazen he Megbevayà, migkaǥi te edsilut a ziyà te Edom ne ebpenhimetayan ku is menge etew kayi wey menge uyaǥen. Edhimuwen ku is Edom he mekevulungbulung he lugar puun te Teman taman te Dedan, ne ebpematey te tebek is menge meǥinged kayi.

Ezekiel 27:15

“ ‘Mibpetiǥayun daan diyà te kenikew is menge tig-Dedan, ne mahabet is menge sukì nu ziyà te menge lugar he ziyà te veyvey te zaǥat. Is imbayad dan kenikew menge ungal te ilipanti wey menge mezesen wey meitem he menge kayu.

Ezekiel 27:20

“ ‘Is inliwà te menge tig-Dedan te menge velegyè nu iyan is menge manggad he ebeelan he valhen.