Jeremias 25:22 - Manobo Western Bukidnon OT

²² Tyre, Sidon, is menge lugar he zehipag te zaǥat,

Jeremias 25:22 교차 참조

Isaias 23:1

Heini he menge lalag ne mehitenged te Tyre: Sineǥew kew is menge ebpemen-untud te menge varku ziyà te Tarshish! Su nezeetan is pentalan niw ziyà te Tyre. Midtudtul en heini keniyu te ebpemuun diyà te Cyprus.

Isaias 23:15

Egkelipatan is Tyre seled te 70 he tuig, he iyan keluǥayad te untung te hadì. Ne emun edlavey en haazà, ne egkehimu is Tyre he iring te vahi he ebelegyà te zengeg din he iyan edhisgutan kayi te kanta: “Sikew is bahi he ebelegyà te zengeg din, nelipatan ke en.

Isaias 23:4

Meeled ka is inged he Sidon he iyan edengepan te menge etew he ziyà ed-ubpà te veyvey te zaǥat. Ke và dà etew is daǥat ne idselikwey zin en is Sidon he ke sikandin te, “Wazè ku en anak, wazè ku mid-anak-anak he vatà he maama etawa vahi.”

Jeremias 27:3

Ne heini is menge lalag, tudtula nu ziyà te menge hadì te Edom, Moab, Ammon, Tyre, wey Sidon pinaaǥi te menge perekaǥi zan he midhendiyà te Jerusalem su ebpekidhinguma ki Hadì Zedekia te Juda.

Jeremias 31:10

“Sikiyu is menge etew ziyà te menge nasyun, pemineǥa niw is egkeǥiyen ku te Nengazen, ne tudtula niw ziyà te meziyù he lugar: Impeyapat ku is menge Israilihanen, piru edtiǥumen ku zed sikandan, ne ebentayan ku sikandan iring te kebantey te ebantey te menge kerehidu.

Jeremias 47:4

Su neume en is timpu he edezeetan is langun he menge Filistihanen duma te menge kezapig dan he ebpuun diyà te Tyre wey Sidon. Edezeetan te Nengazen is menge Filistihanen, is menge etew he ebpuun diyà te isla te Caftor.

Ezekiel 27:27

Ne egkengelened is langun he mid-untud wey in-untud diyà te kenikew: menge ketiǥeyunan nu, menge velegyè nu, menge terebahanti nu, menge meriniru nu, menge pandey nu, menge nigusyanti wey is langun he menge sundaru nu. Egkengelened heini is langun dutun te andew he egkevengkag ka.

Ezekiel 28:1

Migkaǥi is Nengazen kayi te kedì te,

Ezekiel 28:20

Migkaǥi is Nengazen kayi te kedì te,

Ezekiel 28:21

“Sikew is etew, sinaru ka ziyà te Sidon ne keǥiya nu is menge lalag he ebpekesuǥat kayi.

Ezekiel 29:18

“Sikew is etew, is menge sundaru ni Hadì Nebucadnezar he hadì te Babilonia mibpurung mebpekidtebek te menge sundaru te Tyre taman te nengeupew en sikandan wey mibpenlupangan en is menge pemenayen dan. Piru wazà nekuwa ni Nebucadnezar wey te menge sundaru zin diyà te menge tig-Tyre.

Ezekiel 32:30

“Dutun daan is langun he menge upisyal te menge lugar he zapit te dizaya wey is menge tig-Sidon. Su hein uuyag pa sikandan mibpelinandek dan daan is menge etew ziyà te kandan. Gemhanan daan sikandan dengan, piru guntaan nibpeel-elzan sikandan wey nemekererey-as diyà te lugar te menge minatey zuma te wazà medtuu te Megbevayà he nemematey te tebek.

Ezekiel 39:6

Ebinsulan ku is Magog wey is duma zin he menge nasyun he uvey te zaǥat he is menge meǥinged duen nengungubpaan he melinawen. Ne egketuenan dan he iyan a Nengazen.