Jeremias 25:1 - Manobo Western Bukidnon OT

¹ Heini he tudtul mehitenged te menge etew ziyà te Juda migkaǥi te Nengazen diyà te ki Jeremias hein ikeepat he tuig te kedhadì ni Jehoyakim diyà te Juda, te anak ni Josia. Ne iyan daan heini nehuna he tuig te kedhadì ni Nebucadnezar ziyà te Babilonia.

Jeremias 25:1 교차 참조

2 Cronica 36:4

Mibihag ni Neco si Jehoahaz pehendiyà te Ehipto, ne midhimu zin si Eliakim he suled ni Jehoahaz he hadì diyà te Juda wey Jerusalem. Mid-ilisan ni Neco is ngazan ni Eliakim te Jehoyakim.

2 Cronica 36:6

Midsurung sikandin ni Hadì Nebucadnezar he hadì te Babilonia, ne migkedinahan sikandin ne mid-uwit diyà te Babilonia.

Jeremias 1:3

Ne mibpedayun is kebpahayag te Nengazen te menge lalag he ibpekaǥi zin ki Jeremias taman te timpu te kedhadì ni Jehoyakim, ne pehendiyè en te ike-11 he tuig te kedhadì ni Zedekia he anak ni Josia. Ne ikelima he vulan dutun he tuig mibihag is menge etew ziyà te Jerusalem.

Jeremias 32:1

Duen migkaǥi te Nengazen diyà te ki Jeremias hein ikesepulù he tuig te kedhadì ni Zedekia ziyà te Juda. He iyan daan haazà ike-18 he tuig te kedhadì ni Nebucadnezar ziyà te Babilonia.

Jeremias 35:1

Hein iyan hadì diyà te Juda si Jehoyakim he anak ni Josia, migkaǥi is Nengazen diyà te ki Jeremias,

Jeremias 36:1

Hein ikeepat he tuig te kedhadì ni Jehoyakim he anak ni Josia diyà te Juda, migkaǥi is Nengazen diyà te ki Jeremias te,

Jeremias 45:1

Hein ikeepat he tuig te kedhadì ni Jehoyakim diyà te Juda he anak ni Josia, insurat ni Baruc is indikta kandin ni Jeremias.

Jeremias 46:2

Is Lalag Mehitenged te Ehipto: Iyan heini menge lalag he ebpekesuǥat diyà te menge sundaru ni Faraon Neco he hadì te Ehipto. Nezaag heini sikandan ni Hadì Nebucadnezar he hadì te Babilonia, diyà te Carkemish uvey te Wahig he Eufrates, hein ikeepat he tuig te kedhadì ni Jehoyakim, he anak ni Josia he hadì te Juda:

Jeremias 7:1

Migkaǥi pa is Nengazen diyà te ki Jeremias:

Daniel 1:1

Hein iketelu he tuig te kedhadì ni Jehoyakim diyà te Juda, midsurung ni Hadì Nebucadnezar he hadì te Babilonia wey te menge sundaru zin is Jerusalem.

Daniel 1:2

Mibihag din si Hadì Jehoyakim su iyan heeyan egkesuatan te Nengazen he mehitavu. Mibpenguwa zin is duma he menge azen diyà te valey te Megbevayà ne mid-uwit din diyà te Babilonia. Ne intaǥù din haazà diyà te teleǥuey te ketiǥeyunan diyà te valey he ed-ezapan te kandin he ed-ezapen.

Daniel 2:1

Dutun te ikezuwa he tuig te kedhadì ni Nebucadnezar, kepipira sikandin meketeǥeinep. Nekepeliveg kandin haazà is menge teǥeinep din, umbe kenà sikandin ebpekelipezeng.